ZAKHARIA 10:8 - Alkitab Singog In Mongondow Masa In Tanaa

⁸ Umat-Ku in oiníon-Ku bo sipunon-Ku tobatúon. Mosia in poḷuaton-Ku bo baḻíon-Ku mobayong ná dungkuḷmai.

ZAKHARIA 10:8 Iomraidhean Croise

DATU MITA IMITÁNEA 4:20

Rayat in Yohuda bo in Israel kobayongnea in naonda bo bungaion kon pintad. Kon i monia tua oyúonbí in kaanon bo inumon inta tugat pakéon bo nobiag doman nosanang.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

YESAYA 44:22

Taḷámu in buntunon-Ku naonda bo goḷom, dosamu in untunon-Ku naonda bo topuot. Pobuidon mangoi kon i-Nakó, sin iko in pinoḷuat-Kudon!”

YESAYA 48:20

Bayádon bo poḷaguidon nongkon Babel, Potaaudon magí-mako in habar tanaa. Potaaudon takin yogiow sanang in gina: “Ki Tuhan in noposaḷamatdon kon Israel, mogogundoi-Nea!

YESAYA 5:26

Ki Tuhan in mogoiníbí kon bangusa inta moyayú bo mosia in ḻimikatbí in mamangoi!

YESAYA 51:11

Dá intau mita inta pinoḷuat i Tuhan in mobuidon mosia in tumuot kon Yerusalem takin rogiow pogot monia in motarimbuka popisí in ḷunganga inta mononoi. Mosia in mobarasanang bo morogiow, kinopatoian bo amui noinggamádon.

YESAYA 7:18

Kon tungkuḷ intua ki Tuhan in mogoiníbí kon intau in Mesir bo intau in Asyur, bo bangusa doyowa tatua mamangoi naonda bo paanan in ḷangow bo pasukan inta noḻibut kon oyuk mita noirib bo sigad mita in batu karang. Mosia in momumbunbí kon batúan in bo bonganga bo bayongan in tampat inta ḻimbuyun.

YEREMIA 33:22

Akuoi in modugangbí kon buí in mogogundoi-Ku ki Daud, bo imang mita suku in Lewi, dá kobayong monia in mobaḻídon ná kobayong in bungaion kon pintad bo tundi kon ḷangit inta diá koiapan.”

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

MIKHA 2:12

Ki Tuhan in noguman bui, “Ei umat in Israel inta ki agatneapa! Moiko in notantúbí kon sipunon-Ku bo tobatúon naonda bo domba inta mobui mangoi kon ḷantungnea. Naonda bo rawang in bonok inta nopuḻing in domba, natua doman in butámu in mopuḻingdon bui in intau mobayong.

ZAKHARIA 9:11

Ki Tuhan in noguman kon umat-Nea, “Pinodoyon kon dodandian inta pinomia-Ku takin i monimu, dodandian inta pinosah in dugú in kuruban sosumba, poḷuat-Kudon in rayatmu inta nororiga kon pinoḷumbúan naonda bo intau inta kon bonu in parigí inta noingkag.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.

WAHYU 7:9

Nopaḷut mako kon tua akuoi in nokoontongpa bui kon intau inta modamaḷ totok, diádon tobatúmai in intau in mokoiyap kon kobayongnea tua. Mosia tua in intau mita inta nongkon bayongan bangusa, suku, negara bo bahasa. Mosia in sinimindog kon tayowon in tampat pomomarentaan tatua bo kon tayowon i Adí in Domba. Mosia komintan nogiḷambung in jubah nobudó bo kokada-kadai doman tanga in kayu palem.