ZAKHARIA 10:11 - Alkitab Singog In Mongondow Masa In Tanaa

¹¹ Aka mosia bo ḷumoḷan kon dagat in roriga, Akuoi, ki Tuhan in momobak kon bokoḷ mita, dá apad in Ongkag in Nil moingkagdon totok. Bangusa in Asyur inta mododia in poompáan, bo Mesir inta motorindog in kobuḻiandon in kawasa.

ZAKHARIA 10:11 Iomraidhean Croise

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

DATU MITA 2 2:14

bo nopomobak in jubah i Elia tatua kon tubig poḷat noguman, “Kon onda in ki Tuhan, Allah i Elia tatua?” Naonda in pinomobaknea mako in jubah tatua kon tubig in ongkag tatua, nosilai doyowa in tubig tatua bo minayá in sia in ḷoḷan.

DATU MITA 2 2:8

Noḷongkut in ki Elia kon jubahnea, iḻitodnea bo pinomobaknea kon tubig in ongkag tatua. Dá nosilaidon doyowa in tubig in ongkag tatua, dá notaaudon in taya dua i Elisa minaya-mayá kon gantog inta noingkag.

EZRA 6:22

Pitu nosinggai in koonggotnea in mosia takin sanang in gina norame kon Singgai moḷoben in Roti diá Iragian. Mosanang totok in gina monia sin ki Tuhan ain nopobaḻí kon i datu in Asyur mopia in gina kon i monia dá notuḷungdon kon i monia kon oaidan noposindog bui in Baḷoi Tuhan, Allah in Israel.

MAZMUR 114:3

Dagat in Gelagah nokoontong kon i-Nia bo noḷagui, Ongkag in Yordan nogogai in noiḻig.

MAZMUR 114:5

Nongonu degá, ei dagat, nodapot in iko in noḷaguibí, bo Ongkag in Yordan nogogai noiḻig?

YESAYA 14:25

Intau in Asyur kon Israel butá-Ku, in yopúon-Kubí, bo inta kon buḷud-Ku mita in tokoritakan-Kubí. Poḷuaton-Kubí in bangusa-Ku nongkon pinororigaan bo nongkon bobabaan inta pinakisa kon i monia in intau in Asyur.

YESAYA 19:16

Moiangoibí in wakutunea bangusa in Mesir mobaḻí naonda bo bobay inta kakag. Mosia in mogugur popisí in moondok aka mokoontong kon i Tuhan Inta Totok in mokawasa motonggó kon ḻima-Nea sin mohukum kon i monia.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 44:27

Akuoibí inta noguman kon apad in dagat: Kogiotdon! Moibog in Akuoi monggiot kon ongkagmu mita.

YESAYA 51:10

Iko doman inta nogingkag kon dagat, tubig in baḷangon inta modaḷom. Iko in nomia kon daḷan nongin tubig tatua, sinbá intau mita inta posaḷamaton motaau ḷumoḷan.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

ZEPANYA 2:13

Nopaḷut mako kon tua ki Tuhan nopomakédon in kawasa-Nea morimumud kon Asyur. Kotá in Niniwe in baḻíonbí moingongow bo butá moḷogat.

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.