ZAKHARIA 1:19 - Alkitab Singog In Mongondow Masa In Tanaa

¹⁹ Akuoi in noḻibó kon malaekat inta ain nosingog kon inakó, “Onu degá in mangaḻe in tungoi mita tatua?” Sia in notubag, “Tungoi mita tatua in nobaḻí lambang in dodatuon mita inta moropot inta noporarit in intau mita kon Yohuda, Israel bo Yerusalem.”

ZAKHARIA 1:19 Iomraidhean Croise

DATU MITA IMITÁNEA 22:11

Nabi tobatú inta kon sigad in nabi mita tatua, inta ki Zedekia ki adí i Kenaana, nomia kon tungoi mita nongkon uatoi bo noguman kon i Ahab, “Naabí inta pinoguman i Tuhan, ‘Takin tungoi mita ná tanaa ki tuang datu in momongkug kon Siria bo morimumud kon i monia.’ ”

EZRA 4:1

Habar kon intau mita inta nobui nongkon pinoḷumbúan tatua in koyogotdon moposindog in Baḷoi Tuhan, Allah in Israel, kinodongogandon in musung in intau in Yohuda bo in Benyamin.

EZRA 4:4

Onda intua intau mita inta ain noonggot in nogutun kon butá tatua nomangkoidon monginggamá kon ibog in intau in Yahudi poḷat doman mopogogondok kon i monia sinbá oaidan tatua pogogaiondon.

EZRA 4:7

Ná doman tua in kon pinomarentaan i Artahsasta, kaisar in Persia, tua in nobaḻí bui: ki Bislam, ki Mitredat, ki Tabeel bo yobayat mita monia in nomais kon surat kon i datu. Surat tatua in pinais kon bonu in tosingogon in Aram, bo musti terjemahan kon dodai in bacaan.

EZRA 5:3

Táe ki Tatnai, gubernur in propinsi Eprat Toyopan, takin i Syetar-Boznai in ḷagi namangoi kon Yerusalem bo noḻibó kon intau mita in Yahudi, “Ki ine in nopotabá kon i monimu moposindog bo monompakakat kon Baḷoi pooibadaan tanaa?”

MAZMUR 75:4

Aka butá naa modandú takin bayongan mogogutunnea Akuoibí in noginrigon kon oiginea mita.”

MAZMUR 75:5

Kon intau inta moambungangaḷ, akuoi in moguman sinbá dikadon mongambungangaḷ bui.

YEREMIA 48:25

Ropot in Moab ain pinutoḷ, bo kawasanea in irimumudon. Akuoi, ki Tuhan, ain nosingog.”

DANIEL 12:7

Intau ibanea tatua in nopotundú in ḻimanea doyowa nosimpaḷ ná ḷangit. Dinongogku in sia nongibot pinodoyon kon i Allah inta mononoi bo noguman, “Bayongan inta nobaḻí tatua in modapotbí in toḷu notaong kapin. Naonda in mopaḷut mako in pomogutúan kon umat i Allah mopaḷut, dá mopaḷut domandon in inta mokoherang mita tatua.”

DANIEL 7:16

Bo diniuganku in intau tobatú inta sinimindog kon tua bo pinoigumanku kon insilang kon bayongan intua komintan. Dá pinotaaunea domandon.

AMOS 6:13

Moiko in umambungangaḷ in moguman kon sinaḷowdon monimu in Lodebar. Moiko in noguman doman, “Tugatbí in ropot nami in mogagow kon Karnaim.”

HABAKUK 3:14

Piot-Mu mita noiḷambai kon itoi in tontara in musung kon tungkuḷ in tontaranea namangoi ná koropot in deḷang, sinbá kami in porariton. Mosia in kinumosing takin ḷunganga in gina naonda bo intau inta umado-adop mondorot kon intau inta bogá.

ZAKHARIA 1:18

Kon bonu in oontongon ibanea, inontongku in opat in tungoi in sapi.

ZAKHARIA 1:21

Akuoi in noḻibó, “Onu in mangaḻe in koangoian monia?” Sia in notubag, “Monggugur bo moḻitoi kon bangusa mita inta ain norimumud kon Yohuda poḷat noporarit intaunea mita.”

ZAKHARIA 1:9

Akuoi in noḻibó kon inia, “Tuang onu degá in mangaḻe in kabaḷo mita tanaa?” Sia in notubag, “Bain poontongku in mangaḻenea kon inimu.

ZAKHARIA 2:2

“Mayá in onda?” iḻibóku. “Mayá mogukur kon Yerusalem,” tubagnea, “ibogonku bá kotaauan mongo tongonu in kobanat bo kooḷad in kotá tatua.”

ZAKHARIA 8:14

Ki Tuhan Inta Totok in mokawasa in noguman, “Kon dodai in mogoguyangmu nokopopisí kon i-Nakó sinumorú, sinantú-Kudon kon hukumon in mosia kobogaton. Diábí binaḷuian-Ku in tosingogon-Ku tatua, táe pinobayá-Kubí.