ZAKHARIA 1:1 - Alkitab Singog In Mongondow Masa In Tanaa

¹ Kon buḷan noginwaḷu kon taong nogindua kon pinomarentaan i Datu Darius kon Persia, ki Tuhan in nopotaau in koyow tanaa kon inakó, ki Nabi Zakharia ki adí i Berekhya bo ki ompu i Ido.

ZAKHARIA 1:1 Iomraidhean Croise

EZRA 4:24

Pinogaidan kon Baḷoi Tuhan in pinogogaidon bo diádon iningguputan nodapot kon taong nogindua kon pinomarentaan i Darius, datu in Persia.

EZRA 5:1

Kon dodai intua doyowa in nabi, inta ki Hagai bo ki Zakharia ki adí i Ido, nomangkoidon nosingog pinodoyon kon tangoi i Allah in Israel kon intau in Yahudi inta nogutun kon Yohuda bo kon Yerusalem.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:15

Mosia in nomangkoidon nogaid kon singgai indoyowa nopuḷú bo opat, buḷan inggonomnea kon taong nogindua kon pinomarentaan i Datu Darius.

HAGAI 1:3

Onda intua pinongin i Nabi Hagai ki Tuhan in noguman kon umat-Nea,

HAGAI 2:10

Kon singgai indoyowa nopuḷú bo opat buḷan in siownea kon taong nogindua kon pinomarentaan i Datu Darius, ki Tuhan Inta Totok in mokawasa in nosingog bui kon i nabi Hagai.

HAGAI 2:20

Kon singgai doman tatuata, kon singgai indoyowa nopuḷú bo opat kon buḷan in siownea, ki Tuhan in nobogoi in koyow induanea kon i Hagai,

ZAKHARIA 1:7

Kon singgai in doyowa nopuḷú bo opat kon buḷan in Syebat, inta buḷan impuḷú bo mita, kon taong nogindua kon pinomarentaan i Datu Darius, ki Tuhan in nopotaau in koyow-Nea kon inakó. Kon oontongon tobatú kon dodai in doḷom,

ZAKHARIA 6:9

Ki Tuhan in nobogoi in koyow tanaa kon inakó.

ZAKHARIA 7:1

Kon singgai inggopatnea kon buḷan Kislew, inta buḷan noginsiow, kon taong inggopatnea kon pinomarentaan i Datu Darius, ki Tuhan nobogoi in koyow bui kon inakó.

MATIUS 23:35

Tuamai, moiko in motanggung kon oaid monimu inta moḷoḻimod kon intau mita inta diá kotaḷá, pinangkoipamai kon i Habel intau inta mopia tua, modapot kon i Zakharia ki adí i Berekhya, inta iḻimod monimu kon sigad in tampat mokudus bo meja pototuduan kon sosumba.

LUKAS 11:51

pinangkoipa kon pinoḻimodan kon i Habel nodapot in pinoḻimodan kon i Zakharia inta iḻimod, kon sigad in meja pobobogoian kon sosumba bo Baḷoi Tuhan. Popirisayabí: Intau mita masa naa pastibí kon hukumon sin popisí in oaid mita tatua.