YUNUS 4:9 - Alkitab Singog In Mongondow Masa In Tanaa

⁹ Táe ki Allah in noguman kon inia, “Diábí patus moajar in ginamu námai tua tongá popisí in pinomuḷa tatua!” Tubag i Yunus, “Eta Nongonu sin diá? Patusbí in akuoi tumorú totok modapot in matoi.”

YUNUS 4:9 Iomraidhean Croise

DATU MITA IMITÁNEA 21:4

Takin norobonoḷ in gina bo torú sin nokodongog kon onu inta siningog i Nabot kon inia, ki Ahab nobui bo inumuḻid kon tosiugannea poḷat sinumongkob bo doí nongaan.

AYUB 18:4

Torúmu in tongábí mokotakit kon awakmu. Musti degá tongá popisí in iko dunia naa kobuḻian in intaunea, bo buḷud mita in pampingon nongkon kinoukatannea?

AYUB 36:18

Mokopoingatdon, dika koakaḷan iko in doit posogó; dika poḷaḻeon in kaoyúonan.

AYUB 5:2

Tongábí intau inta bodok in matoi dinia in nakit in ginanea.

YUNUS 4:1

Diábí nosanang in gina i Yunus kon onu inta nobaḻí tatua; nodapotbí in sinumorú in sia.

YUNUS 4:10

Bo guman i Tuhan kon inia, “Pinomuḷa tanaa in nobiag tongá kon bonu in tonggobii, bo sia in noḷaḷow kon singgai noiduduimai; beresibí in iko diá nopobiag kon inia bo diá bí doman nonompiamai kon tua. Umpaka natua táe noajarbí totok in ginamu in kinoḷaḷowannea.

YUNUS 4:8

Naonda in nomukádon in mata in singgai, ki Allah nopoangoi in tompot mopatú inta nogirup nongkon pomukáan. Ki Yunus gogió bo notambuḷoḷok popisí in inonag in singgai inta nádon onda bo momokak kon uḷunea. Noinggamádon in kamangnea bo moibogdon totok matoi. Sia in noguman, “Mopia-piabí kon matoi in akuoi dika in mobiag!”

MATIUS 26:38

Dá Sia in noguman kon i monia, “Morobonoḷdon totok in dodob-Ku, korasaan nádon onda bo matoi. Kon naapa in moiko bo moḷukad moyotakin-Ku.”

KORINTUS 2 7:10

Sin ajar in gina natua mopomungaibí in mopia bo mokosaḷamat. Bo tua in diábí mokomanasaḷ kon intau. Táe aka ajar in gina inta pinodudui in ibog in intau, yo tua in mokopatoibí.

WAHYU 9:6

Kon bonu in ḻima nobuḷan tua mosia moramuji bá matoidon, táe diápabí matoi in mosia; mosia in moibogdon matoi, táe noyayúpabí in popatoi kon i monia.

HAKIM MITA 16:16

Pomuḷoi in singgai ki Delila mongombaḷmai bo mondodak, dá nobúdon in ki Simson in nokodongog.