YUNUS 3:5 - Alkitab Singog In Mongondow Masa In Tanaa

⁵ Intau mita in Niniwe nopirisaya kon koyow i Allah tatua. Bayongan in rayat nonantúdon kon mopuasadon, bo bayongan in intau, pinomayá moḷoben andeka mointok, nomaké in kaeng karong sin moponiata kon mosia in nomanasaḷdon kon dosa mita monia.

YUNUS 3:5 Iomraidhean Croise

DATU MITA 2 19:1

Kon dodai in ki Datu Hizkia nokodongog kon habar in intaunea toḷu tatua, nomerak in sia kon ḷambungnea bo nomaké in sosapi nobaḻí tomponuot kon morobonoḷ in dodobnea, bo minayá kon Baḷoi i Tuhan.

TAWARIKH 2 20:3

Noondok in ki Yosapat bo nosambayang in sia nopoigum in totundú i Tuhan. Onda intua sia in nomarenta sinbá bayongan in rayat mopuasa.

EZRA 8:21

Bo kon bingkí in Ongkag in Ahawa tatua akuoi nopotaau kon mosia komintan in mustibí mopuasa bo tumonsiup kon tayowon i Allah. Kami in nosambayang sinbá ki Allah in nokapit kon inami kon binayáan tatua, bo mogoḻiung kon inami, kon i adí mita nami bo bayongan in kapunyaan nami.

ESTER 4:1

Naonda in kinodongogandon i Mordekhai onu inta nobaḻí, nomerak in sia kon ḷambungnea bo nogibintoḷ nobaḻí tomponuot kon morobonod in gina. Sia in nopoinggú in ḷobud kon uḷunea, bo nodondaḷoi kon kotá poḷat nongombaḷ moropot takin robonoḷ in dodob.

YEREMIA 31:34

Diá bidon paraḷu tobatúmai in intau nongkon i monia in mositundúan bá monotaau kon i Tuhan. Sin mosia komintan, moḷoben mointok, in monotaau bidon kon i-Nakó. Taḷá mita monia in ḻiongon-Ku bidon, dosa mita monia in ampungan-Kubí. Akuoi, ki Tuhan, ain nosingog.”

YEREMIA 36:9

Kon buḷan in siownea kon taong iḻimanea kon pinomarentaan i Yoyakin datu in Yohuda, rayat nopuasa, sinbá mokouḻí kon totabi nongkon i Tuhan. Intau inta nogutun kon Yerusalem bo intau inta namangoi nongkon kotá mita in Yohuda, komintan nopuasa.

YEREMIA 42:1

Nopaḷut mako intua bayongan in intau, moḷoben mointok, takin porwira mita, noitakin doman in ki Yohanan ki adí i Kareah bo ki Azarya ki adí i Hosaya namangoi

YEREMIA 42:8

Dá inoiníku in ki Yohanan bo porwiranea mita bo bayongan in intau ibanea inta namangoi takinnea.

DANIEL 9:3

Bo nosambayangdon totu-totuu in akuoi kon i Tuhan Allah, bo nopoigum in totabi-Nea. Akuoi in nopuasa bo nogiḷambung in ḷambung karong bo iḻimitú kon tudu in ḷobud.

YOËL 1:14

Parentaaidon in umatmu mopuasa, Potaaudon in poyodungkuḷan moḷoben! Oinídon in itoi mita bo guhanga mita in ḻipú bo bayongan in intau inta nogutun kon Yohuda, sinbá mamangoi kon Baḷoi i Allah, sin mokuani mokituḷung kon i-Nia.

YUNUS 3:7

Sia in nopohabar doman kon parenta tanaa, “Parenta tanaa in pinotaau kon Niniwe podudui in bontow in tosingogon i datu bo menteri mita: Bayongan in intau, sapi, domba bo bobiagon ibanea diápa ogoi in mongaan bo monginum.

MATIUS 12:41

Kon singgai pohakiman, intau mita in Niniwe morobangon bo moyotakin in intau mita masa in naa mohukum kon i monia. Sin intau mita in Niniwe naonda in nokodongog kon inta pinoyaput i Yunus, mosia in nogogai in nogaid kon dosa mita. Bo tanaa inta sinimindog mako noiḻiubí kon i Yunus!

LUKAS 11:32

Kon Singgai Tumi, intau mita in Niniwe mobiagdon bui moyotakin in intau mita masai naa bo mosia in mohukum doman kon i monia. Sin intau mita in Niniwe noibog nogogai in nogaid kon inta moraat kon wakutu in mosia nokodongog kon onu inta pinoguman i Nabi Yunus kon i monia. Táe kon naa, tanaa mako oyúon inta mokawa-kawasa nongkon i Nabi Yunus!”

OUMAN IN RASUL MITA 27:25

Tuamai utatku mita, umuran korigonon in gina! Sin akuoi in mopirisayabí totok kon i Allah kon bayongan tua in mobaḻíbí ná inta pinoguman-Neadon kon inakó.

OUMAN IN RASUL MITA 8:10

Dá bayongan intau kon kotá tatua komintandon nonarukiramai kon inia. Intau mita kon kotá tatua, mongoadí, tayowmobiag bo guyanga komintan moguman nanaa, “Intau tanaa in totokbí in kinawasa i Allah inta ponango-nangoian ‘Mokawasa totok’ tua.”

IBRANI 11:1

Mopirisaya naa mangaḻenea in totok moyakin kon onu inta iharap mako naton, mangaḻenea oyúon in kotantúan kon soaḷ mita inta diá inontong.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”