YUNUS 3:4 - Alkitab Singog In Mongondow Masa In Tanaa

⁴ Ki Yunus in sinumuot kon kotá tatua bo naonda in minayá nouput in singgai tatua, nomangkoidon in sia nopoyaput in koyow, kainia, “Opatpa nopuḷú nosinggai, bo morimumud in Niniwe!”

YUNUS 3:4 Iomraidhean Croise

DATU MITA 2 20:1

Kon tungkuḷ intua ki Datu Hizkia in binituḷ inta totokdon in mobogat bo gogiódon matoi. Ki Nabi Yesaya ki adí i Amos in minayá nokipodungkuḷ kon inia bo noguman, “Ki Tuhan in nongoyow sinbá ki Tuang Datu in monoḻisídon kon bayongan in oaidan, sin ki Tuang in diádon mopia. Diádon moonggot bo matoi in ki Tuang Datu.”

DATU MITA 2 20:6

Dugangan-Kupa in umurmu mopuḷú bo ḻima notaong bui. Iko bo kotá in Yerusalem in poḷuat-Kudon nongkon i datu in Asyur. Kotá tanaa in oḻingoian-Kudon sin moḷukad kon tangoi-Ku tontaní bo popisí doman in dodandian-Ku takin mogogundoi-Ku ki Daud.”

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YEREMIA 42:10

‘Aka umuran in moiko moibog mogutun kon butá tanaa, yo buaton-Ku in moiko, deemanbí poḷabúon; posindogon-Ku in moiko, deemanbí umpagon. Morobonoḷ totok in ginaku popisí in nopoangoidon in bodito kon inimu.

YUNUS 3:10

Inontong i Allah in aid monia; inontong-Nea kon mosia in nonaḷámaidon kon dodia monia inta moraat. Dá binaḷuian-Neadon in tomayá-Nea, bo diádon nobaḻí nohukum kon i monia.

MATIUS 12:41

Kon singgai pohakiman, intau mita in Niniwe morobangon bo moyotakin in intau mita masa in naa mohukum kon i monia. Sin intau mita in Niniwe naonda in nokodongog kon inta pinoyaput i Yunus, mosia in nogogai in nogaid kon dosa mita. Bo tanaa inta sinimindog mako noiḻiubí kon i Yunus!

LUKAS 11:30

Sin naonda bo ki Nabi Yunus inta nobaḻí tanda kon intau mita in Niniwe, yo natua domandon in ki Adí Intau mobaḻí tanda kon intau mita masa in naa.

LUKAS 11:32

Kon Singgai Tumi, intau mita in Niniwe mobiagdon bui moyotakin in intau mita masai naa bo mosia in mohukum doman kon i monia. Sin intau mita in Niniwe noibog nogogai in nogaid kon inta moraat kon wakutu in mosia nokodongog kon onu inta pinoguman i Nabi Yunus kon i monia. Táe kon naa, tanaa mako oyúon inta mokawa-kawasa nongkon i Nabi Yunus!”

ULANGAN 18:22

Aka nabi tobatú mosingog podoyon kon tangoi i Tuhan, táe onu in siningognea tua diá noniata, dá tosingogonnea tatua in deemanbí nongkon i Tuhan. Nabi tatua in mosingogbí pinodoyon kon tangoinea tontaní bo dikabí in moiko moondok kon inia.”