YUNUS 3:2 - Alkitab Singog In Mongondow Masa In Tanaa

² Kai-Nia, “Bayádon kon Niniwe, kotá moḷoben tatua, bo potaaudon kon intaunea mita in koyow inta poguman-Ku kon inimu.”

YUNUS 3:2 Iomraidhean Croise

ESTER 9:31

Surat tatua in noguman doman sinbá mosia bo buí monia in mustibí monanob kon singgai mita in Purim podudui in singgainea, ná doman mosia monorop kon singgai mita popuasaan bo singgai mita ponogumatoian. Tuata in tombonu in surat i Mordekhai bo i Ratu Ester.

IḶUAIAN 4:28

Ki Musa in nongonguman kon i Harun kon bayongan inta pinoguman i Tuhan kon inia tungkuḷ in sia pinotabá mobui kon Mesir, pinotaaunea doman in bayongan inta mokoherang inta musti aidannea.

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

YEREMIA 1:7

Táe ki Tuhan in notubag, “Dika moguman kon noguodpa in iko. Aka Akuoi in mopotabá kon inimu mayá kon i ineka, yo iko in mustibí mayá, bo bayongan inta pokiguman-Ku kon inimu, mustibí potaaumu kon i monia.

YEHEZKIEL 2:7

Potaaubí in bayongan in koyow-Ku kon i monia, pinomayá moibog in mosia mokidongog andeka doí. Toropdon kon mosia tua in momomarontak mita.

YEHEZKIEL 3:17

“Ei intau ilo-ilow, iko in duíon-Ku mobaḻí moḷoḷukad in bangusa in Israel. Poyaputdon kon i monia in tompoingat inta inogoi-Ku tanaa.

YUNUS 1:2

Guman i Tuhan, “Bayádon kon Niniwe, kotá moḷoben tatua, sin mongindoyó kon inia, sin kinotaauan-Kudon kon intau mita kon tua in mongoraat totok.”

YUNUS 3:1

Kon induaneadon ki Tuhan noguman kon i Yunus.

YUNUS 3:3

Dá ki Yunus in dinumuduidon kon i Tuhan bo minayá in Niniwe, kotá tobatú inta totok in moḷoben; dá nodapot in toḷu nosinggai in pinoḻibuan.

MATIUS 3:8

Poponiatapa muna kon oaid monimu kon moiko aindon totu-totuu nogogai in mogaid kon dosamu mita.

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”