YUNUS 2:10 - Alkitab Singog In Mongondow Masa In Tanaa

¹⁰ Onda intua, podudui kon parenta i Tuhan, toyá tatua noḷuádon kon i Yunus kon toba.

YUNUS 2:10 Iomraidhean Croise

KINOBAḺIAN 1:11

Ki Allah in noguman bui, “Koibog-Ku in butá mopoḷuaidon in bayongan inta mobobiag, bayongan inta oyúon in batoḷ bo bayongan ayop.” Bo nobaḻí domandon intua.

KINOBAḺIAN 1:14

Noiduduimai kon tua ki Allah in noguman, “Koibog-Ku oyúon in barang mita kon ḷangit inta motaau monimbayag kon dunia naa, bo mopoyotondí in singgai bo doḷom bo monantú kon pomangkoian in singgai, taong bo singgai moḷoben in agama.” Dá nobaḻí domandon in soaḷ tatua.

KINOBAḺIAN 1:3

Ki Allah in noguman, “Kobaḻí in bayag!” Bo nobaḻí domandon in bayag.

KINOBAḺIAN 1:9

Noiduduimai kon tua ki Allah noguman, “Koibog-Ku in bayongan tubig inta kon ḻimonag in ḷangit moiḻig kon tampat tobatú, sinbá butá in koontongandon.” Dá nobaḻí domandon intua.

MAZMUR 105:31

Podudui in parenta i Allah namangoidon in ḷangow mita, bo yongit mita noyosipundon kon sinangkub in butá.

MAZMUR 105:34

Podudui in parenta-Nea, namangoidon in pangkoḷá, totuu mobarong, diádon koiapan.

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

MAZMUR 33:9

Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

YESAYA 38:20

Tuhan, Iko in nongundamdon kon inakó, dá kami in nopodondongdon in dodayow kon Baḷoi-Mu pinongin mokuti kon kecapi, kino ouput in kobiagan nami.”

YESAYA 43:11

Akuoibí in Tuhan inta tuḷong tua, koḻikud in Akuoi diábí in moposaḷamat.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

HOSEA 13:4

Ki Tuhan in noguman, “Akuoibí in ki Tuhan Allahmu, inta nodia kon i monimu iḻumuai nongkon Mesir. Moiko in diábí ko Allah ibanea koḻikudbí in Akuoi. Tongábí Aku-Akuoi mita in mopoposaḷamatmu.

HOSEA 14:3

Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

YUNUS 1:17

Bo kon dodai intua ki Tuhan nopoangoi in toyá moḷoben tobatú inta noḻiom kon i Yunus. Dá ki Yunus in kon bonudon in sian in toyá tatua toḷu nosinggai bo toḷu nogobii in koonggotnea.

YUNUS 3:1

Kon induaneadon ki Tuhan noguman kon i Yunus.