YUNUS 1:8 - Alkitab Singog In Mongondow Masa In Tanaa

⁸ Bo mosia in noguman kon i Yunus, “Totuu degá kon ikobí naa in nokopopisí kon bodito tanaa? Nongkon onda in iko? Bangusa in onu? Nongonu sin kon naabí?”

YUNUS 1:8 Iomraidhean Croise

KINOBAḺIAN 47:3

Ki datu in noḻibó kon i monia, “Onu in oaidanmu?” Mosia in notubag, “Kami naa in gombala ná mogoguyang nami.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

YOSUA 7:19

Ki Yosua noguman kon i Akhan, “Adíku, pongakudon bo pogumandon kosilang kon naa kon tayowon i Tuhan, Allah in Israel, onu inta ain inaidanmu. Potaaudon kon inakó, dikadon bunion.”

SAMUEL 1 14:43

Bo ki Saul in noguman kon i Yonatan, “Onu in inaidanmu?” Ki Yonatan notubag, “Akuoi in nokaandon kon biluk topiḻik inta kinuilku in tungkudku; diábí nongonu aka matoi in akuoi.”

SAMUEL 1 30:13

Onda intua ki Daud noḻibó kon inia, “Ki ine in ki Tuangmu, bo nongkon onda in iko?” Tubag in adí tatua, “Akuoi intau in Mesir, ata in intau in Amalek. Akuoi in sinaḷáan i tuangku toḷudon nosinggai naa popisí in notakit in akuoi.