YUNUS 1:7 - Alkitab Singog In Mongondow Masa In Tanaa

⁷ Naonda in ki Yunus bo mododia kon kapaḷ tatua nopoonik, intau mita in kapaḷ tatua in nosigumanan, “Igai bá mopogonik in undi in kita sinbá kotaauan naton mongo ki ine in kotaḷá nodapot in kinoantugan in bodito tanaa!” Mosia in nopogonik in undi, bo tangoi i Yunus in kinotugatan.

YUNUS 1:7 Iomraidhean Croise

ESTER 3:7

Kon taong impuḷú bodoyowá kon pinomarentaan i Datu Ahasyweros, kon buḷan imitánea, inta buḷan Nisan, ki Haman in nopotabá mopogonik in undi inta sinangoi “purim” sin monotaau singgai bo buḷan táonda inta moyokaan in popobayáannea in tomayánea inta moraat tatua. Dá sinantúdon kon singgai impuḷú bo toḷúnea buḷan impuḷú bodoyowánea, tuata in buḷan Adar.

AYUB 10:2

Oo Allah, dikadon in akuoi potaḷáan-Mu; insilangaidon nongonu sin akuoi in iḷawang-Mubí.

MAZMUR 22:18

Bayongan in tuḷanku koiapanku, Musung in inimindoi kon inakó naonda bo tontonan.

AMSAL 16:33

Popisí in monotaau kon ukur, intau mopogonik in undi, táe inta motubag in tongábí ki Tuhan tontaní.

PINOGIAPAN 32:23

Tongá pokotaau, aka diá intompodan monimu in dandimu, yo baradosaan in moiko kon i Tuhan bo hukumon sin popisí in dosamu tatua.

MATIUS 27:35

Nopaḷut mako pinopopakú monia kon kayu pinoyotaḻempang, ḷambung-Nea in sinila-silai mako monia. Mosia nosilai kon ḷambung-Nea tatua takin nomaké in lot.

OUMAN IN RASUL MITA 13:19

Bo pitu nobangusa in pinutúan-Nea kon butá in Kanaan tatua sin mosila-silai mako kon butá tatua kon bayongan in intau Israel sinbá mobaḻí kapunyaan monia.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

YOSUA 7:10

Ki Tuhan noguman kon i Yosua, “Pobangon! Diábí in mangaḻe in tungkudanmu mako kon butá naníon!