YUNUS 1:6 - Alkitab Singog In Mongondow Masa In Tanaa

⁶ Kon tungkuḷ in mododia kon kapaḷ tatua nopoonag, kinotambakanneamai yo ki Yunus in nosiugpabí. Dá sia in noguman, “Yo umpaka iko in mokoposiugpabí doman kon bonu in kaadaan ná domai naa! Yo, pobangon! Posambayang kon dewamu mokituḷung. Dika-dikabo motabipabí in sia kon i naton dá diá mobodito in kita.”

YUNUS 1:6 Iomraidhean Croise

SAMUEL 2 12:22

“Oo,” tubag i Daud, “totuubí kon akuoi in nopuasa bo nongombaḷ kon dodai in adí tatua nobiagpa sin akuoi in norai: degá bo totabionpabí i Tuhan in akuoi bo ogoi-Neapa in adí tatua mobiag.

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

MAZMUR 107:6

Kon bonu in susa mosia in nokuani kon i Tuhan, bo pinoḷuat-Nea in mosia kon roriga.

MAZMUR 78:34

Pomuḷoi in ki Allah moḻimod kon tongonumai in kon sigad monia, ibanea in momanasaḷ bo mobui mangoi kon i-Nia.

YESAYA 3:15

Nongonu sin moiko in mondorotbí kon umat-ku bo momakisa mogamá kon kapunyaan in intau bogá? Akuoi, ki Tuhan Inta Totok in moḷantud bo Totok in mokawasa ain noguman.”

YEHEZKIEL 18:2

“Nongonu sin singog tango-tangoion tanaa in tantúbí kotango-tangoian kon butá in Israel? ‘Guyanga in mokaan kon bungai in anggur inta boil táe ingiponbí in mongoadí mita in monilu.’

YOËL 2:11

Singog i Tuhan naonda bo gotup, nobogoi in tomponuot, kon tontaranea inta moparang. Totuu modamaḷ in tontaranea! Totuu moropot in tontara inta nopobayá in parenta-Nea! Totuu mokoondok bo motoyang in Singgai i Tuhan! Diá tobatúmai in intau in mokotongod kon koangoian in singgai i Tuhan tatua.

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

YUNUS 3:8

Intau bo mahaḷuk in mustibí mopomaké in kaeng karong. Saḷaku tomponuot kon pomanasaḷan, dá bayongan in intau musti mosambayang totu-totuu kon i Allah. Mosia in mustibí monombaḷui kon dodianea inta moraat bo aidnea inta nopuḻing in dosa.

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

SURAT I PAULUS KON JAMAAT RUM 13:11

Koḻikud intua komintan, kinotaauan monimu kon masai in naa wakutudon monimu mobangon nongkon pinosiugan. Sin wakutu poposaḷamatan kon i naton kodiug-kodiugdon totok nongkon wakutu in kita bagupa nopirisaya.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”