YUNUS 1:3 - Alkitab Singog In Mongondow Masa In Tanaa

³ Táe ki Yunus in tongábí minayá in kotá ibanea sin yumayú kon i Tuhan. Sia in minayá in Yope, noikoḷatbí nokouḻí kon kapaḷ inta mopobayá in Spanyol. Naonda in noguboḻi mako kon tondan in takoiannea, sinumakoidon in sia kon kapaḷ, bo dongka iḷumeag noyotakin in intau mita in kapaḷ nopobayá in Spanyol, sin yumayú kon i Tuhan.

YUNUS 1:3 Iomraidhean Croise

KINOBAḺIAN 3:8

Moḷoḷabung tua dinongog monia kon ki Tuhan Allah namangoi in taman, bo nogadop in taya dua kon sigad in pangkoi in kayu mita inta kon bonu in taman tatua sinbá diá ontongon i Tuhan.

KINOBAḺIAN 4:16

Bo minayádon in ki Kain nongkon tayowon i Tuhan bo nogutun kon butá inta tangoinea “Pinoḷaḻean” kon dotá in pomukaan nongkon Eden.

DATU MITA IMITÁNEA 19:3

Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

DATU MITA IMITÁNEA 19:9

Kon tua in ki Elia nosiug in doḷom tua kon angob. Bo ki Tuhan in noguman kon inia, “Elia, onu in aidanmu kon naa?”

TAWARIKH 2 2:15

Kami in mogoḷat mako kon gandum doyowa norupa, anggur bo ḷana zaitun inta pinodandi i Tuang pokidia mangoi tua.

TAWARIKH 2 2:16

Kami in momupuḷbí kon kayu ḷokuyú nongkon buḷud in Libanon ná kobayong inta paraḷuon i Tuang, bo togoton tonggakiton, bo iḻigon pongin dagat modapot in Yope. Nongkon tua motaaudon akuton i Tuang diaan mayá in Yerusalem.”

TAWARIKH 2 9:21

Nobayong doman in kapaḷ moḷoben i Salomo inta ḷumeag kon daga-dagatannea moyotakin in kapaḷ mita i Datu Hiram. Toḷu notaong in komintan kapaḷ mita tatua in mobui modia mangoi kon buḷawan, saḷaka, gading, boḷai bo ḷagapan merak.

EZRA 3:7

Rayat in nobogoidon in doit sin ponondan kon bas mita in batu bo mogogimok mita kon kayu. Mosia in nokidia doman in kaanon, oinumon bo ḷana in zaitun kon kotá mita in Tirus bo Sidon sin ponoḻiu kon kayu ḷokuyú in Libanon nongkon kotá mita tatua. Kayu tatua in dinia kon Yapo pinongin dagat. Tua komintan inaidan in rayat pinodoyon kon parenta i Kores, datu in Persia.

AYUB 1:12

Dá guman i Tuhan kon Ibilis, “Mopia, aidaidon in onukabí kon bayongan in kaoyúonan i Ayub, asaḷ bo dika yoyigaanmu in sia!” Bo minayádon in Ibilis tatua nongkon tayowon i Tuhan.

AYUB 2:7

Dá Ibilis in minayádon nongkon tayowon i Tuhan, bo nopomuká in bituḷ mita kon bayongan in awak i Ayub pinangkoi kon paḷad in sioḷ noidapot kon tudu in uḷu.

MAZMUR 107:23

Oyúon doman inta iḷumoḷan kon dagat takin sinumakoi kon kapaḷ, sin motayak kon kobiagan kon dagat inta mooḷad.

YESAYA 2:16

Kapaḷ mita inta totok in moḷoben bo inta totok in mogaga in potaḷomonbí.

YESAYA 23:1

Naadon in koyow soaḷ Tirus. Ei ḷoḷumeag mita in Spanyol inta noḻibu kon baḷangon, pogamuidon! Kon dodai in iḷumeag nobui nongkon Siprus, moiko in pinopotaauan kon kotá in Tirus ain norimumud. Totubuan bo baḷoimu mita ain nobaḻí apat.

YESAYA 23:10

Bayádon pononggobá kon gobámu, ei intau in Spanyol, sin tampat pomomiaan kon kapaḷ in diádon.

YESAYA 23:6

Pogamuidon, bo poḷaguidon bayá in Spanyol, ei intau inta nogutun kon bingkí in dagat!

YESAYA 60:9

Tuata in kapaḷ mita inta namangoi sinumubu nodia kon umat i Allah nobui nongkon butá moyayú. Saḷaka bo buḷawan dinianea noyotakin sin modayow kon i Tuhan Allahmu; kon i Allah in Israel Inta Totok in motusi, inta nomaḻí kon umat-Nea ihoromat.

YEREMIA 10:9

Sia in inaipan in saḷaka bo buḷawan inta dinia nongkon Spanyol bo kotá in Upas, tua komintan aidbí in ḻima in mongongurig bo mononontaḷ kon buḷawan. Pakeangnea in nongkon kaeng nokamumu nogurang bo kaeng nokamumu noguod, pinomia in mogogaboḷ mita kinopia totok.

YEHEZKIEL 2:8

Ei intau inta ilo-ilow; indongogai in onu inta pinoguman-Ku kon inimu. Dika doman tumakin momarontak. Bukádon in bibigmu bo kaandon in onu inta inogoi-Ku kon inimu.”

YEHEZKIEL 27:12

Iko in nopotaḷui in pakakat mita in daganganmu inta mobayong totok tua kon Spanyol, bo inta nobaḻí uboḻinea kon inimu in saḷaka, uatoi, tangat mobudó bo tangat morondí.

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

YUNUS 1:10

Onda intua inoumanneadon kon naonda in sia moḷongasi moḷagui kon i Tuhan. Nokodongogmai kon tua intau mita in kapaḷ nodugangdon noondok, bo noguman kon inia, “Totokbí in mokobaḻí in iko in mogaid kon natua!”

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

LUKAS 9:62

Táe ki Yesus in notubag, “Pomuḷoi in intau inta momangkoidon momajeko, bo mobobuipa ná tumi, yo sia tua in diábí patus mobaḻí umat i Allah.”

OUMAN IN RASUL MITA 15:38

táe irasa i Paulus kon diá mopia in modia kon i Markus inta doí mogaid moyotakin bo nonaḷámai kon i monia kon Pampilia.

OUMAN IN RASUL MITA 26:19

“Tuamai uḻe, Datu Agripa, totok in motoindudui in akuoi kon onu inta ain inontongku bo inta ain sinarimaku nongkon i Allah tua.

OUMAN IN RASUL MITA 9:36

Kon ḻipú tatua oyúon doman in bobay, tangoinea in ki Tabita. Sia in tobatú intau inta mopirisaya kon i Yesus. (Aka kon Yunani, ki Dorkas in tangoinea.) Sia in umuran mogaid kon inta mopia bo umuran moibog motuḷung kon intau mita inta nobiag nobogá.

OUMAN IN RASUL MITA 9:38

Lantaran ḻipú in Lida nodiug kon Yope, dá naonda in intau mita inta mopirisaya kon i Yesus nokodongog kon ki Petrus in oyúon kon tua, binayá monia bo pinoki oiní kon intau doyowa takin koyow nanaa, “Ḷagipa angoi in naa.”

OUMAN IN RASUL MITA 9:42

Onu inta ain nobaḻí tatua, noisiardon kon bayongan in ḻipú kon Yope. Dá nobayongdon intau in nopirisaya kon i Tuhan Yesus.

OUMAN IN RASUL MITA 9:43

Nopaḷut mako kon tua ki Petrus in nogutunpa tongonumai nosinggai kon Yope kon baḷoi i Simon, intau inta mororubus kon kuḻit.

KORINTUS 1 9:16

Sin akuoi in mopoyaput in Habar Mopia, deemanbí tongá mokikoontong kon intau. Táe ki Allahbí in nopotabá kon i nakó. Tuamai baradosaanbí in akuoi aka diá popoyaputku in Habar Mopia tatua!

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

YOSUA 19:46

Me-Yarkon, Rakon, bo butá doman kon diug in Yope.