YUNUS 1:2 - Alkitab Singog In Mongondow Masa In Tanaa

² Guman i Tuhan, “Bayádon kon Niniwe, kotá moḷoben tatua, sin mongindoyó kon inia, sin kinotaauan-Kudon kon intau mita kon tua in mongoraat totok.”

YUNUS 1:2 Iomraidhean Croise

KINOBAḺIAN 10:11

Nongkon tua sia minayá in Asyur, bodongka noposindog in kotá Niniwe, Rehobot-Ir, Kalah

DATU MITA 2 19:36

Dá inumundokdon in ki Sanherib datu in Asyur bo nobui kon Niniwe.

TAWARIKH 2 28:9

Nabi i Tuhan tobatú inta ki Oded in tangoinea nogutun kon kotá in Samaria. Kon tungkuḷ in tontara in Israel nobui bo nodia kon intau mita inta dinakop nongkon Yohuda, ki Oded minayá nokipodungkuḷ kon i monia kon dodai in mosia tumuotdon kon kotá. Sia in noguman, “Moiko in nonaḷowdon kon intau in Yohuda sin ki Tuhan in mogoguyangmu in sinumorúdon kon i monia. Táe ki Tuhan in nokodongogdon kon naonda in kororomú monimu in noḻimod kon tontara in Yohuda.

EZRA 9:6

Akuoi in noguman, “Oo Allahku, akuoi naa in mooyá in dumungá kon tayowon-Mu. Dosa nami in moyo-moyoguntuḷdon kon tudu in uḷu nami noidapotdon in ḷangit.

YESAYA 37:37

Dá inumundokdon in ki Sanherib, datu in Asyur, bo nobui kon Niniwe.

YESAYA 58:1

Ki Tuhan in noguman, “Pomaḷúdon podudui in ropotmu! Potaaudon kon umat-Ku in dosa mita monia.

YEREMIA 20:9

Táe aka kon bonu in ginaku akuoi in moguman, “Biódon mako ki Tuhan in ḻiongonkudon, doídon in akuoi mosingog podoyon kon tangoi-Nea,” dá koyowmu in naonda bo tuḷú inta moborambang kon bonu in dodobku. Aindon sinungkuḷanku pinondam, táe diá mokoigon in akuoi.

YEHEZKIEL 2:7

Potaaubí in bayongan in koyow-Ku kon i monia, pinomayá moibog in mosia mokidongog andeka doí. Toropdon kon mosia tua in momomarontak mita.

HOSEA 7:2

Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”

YUNUS 3:2

Kai-Nia, “Bayádon kon Niniwe, kotá moḷoben tatua, bo potaaudon kon intaunea mita in koyow inta poguman-Ku kon inimu.”

YUNUS 3:3

Dá ki Yunus in dinumuduidon kon i Tuhan bo minayá in Niniwe, kotá tobatú inta totok in moḷoben; dá nodapot in toḷu nosinggai in pinoḻibuan.

YUNUS 4:11

Yo umpaka dá diá moajar in ginaku in moraimai kon Niniwe, kotá inta moḷoben tatua. Sin koḻikud in mahaḷuknea mita inta diádon koiapan tua, kon tua in oyúon doman in noiḻiu kon mogatut bo doyowa nopuḷú noribu in adí inta diápa motaau mopoyoposi kon onu inta mopia bo onu inta moraat.”

MIKHA 3:8

Táe soaḷ akuoi naa, ki Tuhan in nopogonúdon in Roho bo kawasa-Nea. Akuoi in inogoian-Nea in pomomangaḻe soaḷ kooadil, bo kabaranian doman moponiata kon intau in Israel kon soaḷ dosa mita inta ain inaidannea.

NAHUM 1:1

Naa in koyow i Allah soaḷ Niniwe. Koyow tatua in pinoniata pinongin oontongon inta inogoi kon i Nahum, tobatú nabi inta nongkon Elkos.

NAHUM 3:19

Ḷogit in awakmu diábí motaau undaman, bo kekebmu mita diádon mopia. Bayongan in intau inta mokodongog kon habar kinorimumudanmu monggoḷokap pia in gina. Sin bayongan in intau aindon nororiga popisí in aidmu moraat inta diá modai-dait tua.

MATIUS 10:18

Moiko in diaan kon tayow in pongawasa mita bo datu mita popisí moiko in dumodudui-Ku. Bo tuata in kasampatanmu mobogoi in kosakusian soaḷ Akuoi kon i monia bo kon intau mita inta diá nonotaau kon i Allah.

MATIUS 12:41

Kon singgai pohakiman, intau mita in Niniwe morobangon bo moyotakin in intau mita masa in naa mohukum kon i monia. Sin intau mita in Niniwe naonda in nokodongog kon inta pinoyaput i Yunus, mosia in nogogai in nogaid kon dosa mita. Bo tanaa inta sinimindog mako noiḻiubí kon i Yunus!

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.

WAHYU 18:5

Sin dosanea in noyo-noyoguntuḷdon nodapot kon ḷangit, bo kinotoropanbí i Allah in bayongan aidnea inta moraat.