YUNUS 1:17 - Alkitab Singog In Mongondow Masa In Tanaa

¹⁷ Bo kon dodai intua ki Tuhan nopoangoi in toyá moḷoben tobatú inta noḻiom kon i Yunus. Dá ki Yunus in kon bonudon in sian in toyá tatua toḷu nosinggai bo toḷu nogobii in koonggotnea.

YUNUS 1:17 Iomraidhean Croise

KINOBAḺIAN 1:21

Dá ki Allah in nomaḻí kon mahaḷuk mita mongoḷoben kon bonu in dagat, bo noyagi-yagimai in mahaḷuk inta nobiag kon bonu in tubig, takin noyagi-yagimai in ḷagapan. Bo nopia in gina i Allah in nokoontong kon tua.

YUNUS 2:10

Onda intua, podudui kon parenta i Tuhan, toyá tatua noḷuádon kon i Yunus kon toba.

YUNUS 4:6

Dá ki Tuhan Allah nopobiag in tobatú pinomuḷa inta ḷumandai inta mopogoḻiung kon i Yunus dá nopia in ginanea. Totuu, kon mopiabí totok in gina i Yunus kon pinomuḷa tatua.

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MATIUS 16:4

“Intau mita inta moraat bo diá motuḻid in gina tanaa, mopoigum in tanda. Táe mosia in diábí popoontongan intua, koḻikudbí in tanda i Nabi Yunus.” Nopaḷut mako nosingog kon tua, sinaḷaanmaidon i Yesus mosia tua.

LUKAS 11:30

Sin naonda bo ki Nabi Yunus inta nobaḻí tanda kon intau mita in Niniwe, yo natua domandon in ki Adí Intau mobaḻí tanda kon intau mita masa in naa.