YUNUS 1:16 - Alkitab Singog In Mongondow Masa In Tanaa

¹⁶ Intau mita in kapaḷ tatua nobaḻídon noondok totok kon i Tuhan, bo naonda in sinumubu, mosia in noposumba in kuruban bo nopodandi in noyagi-yagimai kon i Tuhan.

YUNUS 1:16 Iomraidhean Croise

KINOBAḺIAN 28:20

Bo nongibotdon in ki Yakub, “Aka ki Tuhan motuḷung bo mogoḻiung kon inakó kon binayáan tanaa bo poḷat mobogoi kon inakó in kaanon bo pakeang

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

DATU MITA 2 5:17

Bo ki Naaman in noguman, “Aka doípa doman in ki Tuang motarima kon onu inta ogoiku, dá ogoipa in akuoi modia mobui kon butá kinobobayongbí in inta kodiaan in bagal topar. Sin, pinangkoi kon tanaa akuoi in tongá bidon moposumba in kuruban kon i Tuhan, bo diá bidon kon ilah mita ibanea mako.

AYUB 37:24

Tuamai in patusbí in Sia horomaton i inekabí, bo intau inta mongaku moarip, diábí pinandung-Neamai.”

MAZMUR 107:22

Biódon mako in mosia mopoyaput in sukur poḷat modia kon sosumba, bo mopotaa-taau mako in aid-Nea pongin dondong pia in gina.

MAZMUR 116:14

Akuoi in mogintompodbí kon dandiku kon i-Nia kon tayowon in bayongan in umat-Nea.

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

MOHOHUTUBA 5:4

Mopia-piabí kon diá modandi bo dika in modandi bo diá intompodan.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

YUNUS 1:10

Onda intua inoumanneadon kon naonda in sia moḷongasi moḷagui kon i Tuhan. Nokodongogmai kon tua intau mita in kapaḷ nodugangdon noondok, bo noguman kon inia, “Totokbí in mokobaḻí in iko in mogaid kon natua!”

YUNUS 1:14

Tuamai in nokuani in mosia kon i Tuhan, “O Tuhan, kami in mopoigum kaasí, donaaidon pomayá mako in kami matoi popisí in mogamá kon nyawa in intau inta diá nogaid kon onuka in taḷá kon inami. O Tuhan, Iko in nomiadon kon onu in kinoibog-Mu.”

MARKUS 4:31

Aka ki Allah momarenta, yo kaadaan-Nea in naonda bo poumpamaan tanaa: Tobatú batoḷ in sesawi ginamá in intau tobatú bo pinomuḷanea kon butá. Batoḷ in sesawi naa in batoḷbí inta paling mointok nongkon bayangan batoḷ kon dunia naa.

OUMAN IN RASUL MITA 5:11

Dá totokdon noondok in bayongan jamaat bo bayongan intau inta nokodongog kon onu inta ain nobaḻí tatua.

HAKIM MITA 13:16

Táe malaekat i Tuhan tatua noguman, “Umpakabí in akuoi mogoḷat kon naa, yo akuoi in diábí mokaan kon onu bo onu inta oḷudonmu. Táe aka iko bo umuran doman moibog mogoḷud, yo oḷudon intua mobaḻí kuruban payongon, bo posumbadon kon i Tuhan.” Diápabí kinotaauan i Manoah kon inta noyosingogneamai tua in malaekatbí i Tuhan. Dá sia in noguman, “Aka natua, dá potaaupa in tangoi i Tuang, sinbá aka mobaḻídon in onu inta ain pinoguman i Tuang tatua, yo motaau in kami mopomulia kon i Tuang.”