YUNUS 1:14 - Alkitab Singog In Mongondow Masa In Tanaa

¹⁴ Tuamai in nokuani in mosia kon i Tuhan, “O Tuhan, kami in mopoigum kaasí, donaaidon pomayá mako in kami matoi popisí in mogamá kon nyawa in intau inta diá nogaid kon onuka in taḷá kon inami. O Tuhan, Iko in nomiadon kon onu in kinoibog-Mu.”

YUNUS 1:14 Iomraidhean Croise

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

MAZMUR 107:28

Kon bonu in susa mosia nokuani kon i Tuhan, bo pinoḷuat-Nea in mosia nongkon roriga.

MAZMUR 115:3

Ki Allah naton in kon soroga, Sia in mogaid kon onu in kinoibog-Nea.

MAZMUR 135:6

Sia in nogaid kon onu in kinoibog-Nea, kon ḷangit bo kon butá, kon dagat bo kon baḷangon inta modaḷom.

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

YUNUS 1:13

Táe intau mita in kapaḷ totokpabí in moḷongasi mobotoi kon kapaḷ tatua pobayá ná toba. Táe deḷang in totok bidon in mogupet, dá diádon in mangaḻe in poḷongasian monia.

YUNUS 1:16

Intau mita in kapaḷ tatua nobaḻídon noondok totok kon i Tuhan, bo naonda in sinumubu, mosia in noposumba in kuruban bo nopodandi in noyagi-yagimai kon i Tuhan.

YUNUS 3:8

Intau bo mahaḷuk in mustibí mopomaké in kaeng karong. Saḷaku tomponuot kon pomanasaḷan, dá bayongan in intau musti mosambayang totu-totuu kon i Allah. Mosia in mustibí monombaḷui kon dodianea inta moraat bo aidnea inta nopuḻing in dosa.

MATIUS 11:26

O, Amá, tuata in kinosanang-Mu.”

OUMAN IN RASUL MITA 28:4

Naonda intau mita kon pulau tatua nokoontong kon uḷag tatua noibambé mako kon ḻima i Paulus, mosia in nosingo-singogan, “Intau tanaa pasti kon moḷoḻimodbí, sin umpaka nosaḷamatdon in sia nongkon bahaya kon dagat, táe ki Dewi inta Moadil in diábí mopomayá mako kon inia mobiag.”

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

EPESUS 1:9

Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.

ULANGAN 21:8

Tuhan, ampungaidon in Israel umat-Mu inta pinoḷuai-Mu nongkon Mesir. Ampungaidon in kami bo dikadon mopobaba kon inami in taḷá kon intau inta iḻimod diá kotaḷá tatua.’