YUDAS 1:3 - Alkitab Singog In Mongondow Masa In Tanaa

³ Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.

YUDAS 1:3 Iomraidhean Croise

NEHEMIA 13:25

Sinoboḷowku bo inodi-odianku in mosia. Oyúon in binongkugku bo oyúon in irabutku in buok monia. Onda intua pinoki pongibotanku in mosia pinodoyon kon tangoi i Allah kon mosia takin ki adí mita monia in diá bidon motonibuḷoi takin bobay ibanea.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 45:22

Ei, bayongan intau kon dunia, angoidon kon i-Nakó sinbá moiko in posaḷamaton, sin tongábí Akuoi in Allah, diábí in ibanea!

YEREMIA 9:3

bo umuran mosadia monguboḷ. Kon sinangkub in butá, inta mobanar diádon nongawasa, nodapot in aid diá mojujur noibaya-bayádon mako. Ki Tuhan in noguman, “Umat-Ku in nogaidon kon inta moraat diádon mogoga-gogai, diádon ináku monia in Akuoi nobaḻí Allah monia.”

OUMAN IN RASUL MITA 17:3

Buk Motusi tatua in binaḻínea dodoyonan noginsilang bo noponiata kon ki Datu Mopoposaḷamat inta pinodandi i Allah tua in mustibí motarima kon roriga, matoi táe bui mobiag. Ki Paulus in noguman doman nanaa, “Ki Yesus inta potaauku kon i monimu naa, Sia tuata in ki Datu Mopoposaḷamat inta pinodandi i Allah.”

OUMAN IN RASUL MITA 18:28

Sin takin totundú inta mokobangkaḷ tatua, ki Apolos nokobayow kon intau mita in Yahudi kon tayowon in intau moantó. Nodaitnea pinoontong in tontagá mita inta pinais kon Buk Motusi kon ki Yesus tua in totuubí Datu Mopoposaḷamat inta pinodandi i Allah.

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

OUMAN IN RASUL MITA 28:28

Pangabisannea ki Paulus in nosingog, “Tuamai in musti kotaauan monimu, kon habar kasaḷamatan inta nongkon i Allah tanaa aindon pinoyaput kon intau mita inta deeman Yahudi, bo mosia in noibogbí nokidongog kon tua!” [

OUMAN IN RASUL MITA 4:12

Diábí in kasaḷamatan kon ibanea mako koḻikudbí in kon i Yesus tontaní, sin kon dunia naa in diábí in intau ibanea in inogoian i Allah in kawasa moposaḷamat kon i naton.”

OUMAN IN RASUL MITA 6:7

Natuata inta nobaḻí sahingga pirman i Allah in totokdon noisiar magí mako bo intau mita inta nopirisaya kon i Yesus kon Yerusalem in nodugangdon totok in kobayongnea. Bo noantó domandon in imang in nopirisaya kon i Yesus.

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

OUMAN IN RASUL MITA 9:22

Táe moḷobendon totok in pongaru i Saulus kon i monia. Onu inta nobaḻí kon inia soaḷ ki Tuhan Yesus, nodaitnea inouman kon i monia, sahingga in nopirisayadon totok in mosia kon ki Yesus tuata in Datubí Mopoposaḷamat, dapot intau mita in Yahudi kon Damsyik diádon mokobayow.

KORINTUS 1 15:3

Onu inta ain pinotaauku kon i utatku mita, yo tuabí doman in sinarimaku. Inta totok in moponting, ná inta pinais kon bonu in Buk Motusi, akuoi ain nopotaau kon i monimu kon ki Kristus ain minatoi popisí in dosa mita naton;

GALATIA 2:5

táe topiḻikmai diábí in kami umundok kon i monia, sin ibogon nami Habar Mopia tatua in tantúbí moitutui bo moitonop mako kon gina monimu.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

GALATIA 6:11

Tarukiradon totok kopira in onu inta pinaisku takin hurup mita moḷoben.

EPESUS 1:1

Umat i Allah kon Epesus, inta motoindudui kon i Kristus Yesus!

ULANGAN 21:9

Dá pinongin mogaid kon onu inta sinuntut i Tuhan, yo moiko in diádon popobabaan in taḷá kon pinoḻimodan tatua.”

ULANGAN 9:10

Onda intua ki Tuhan nobogoi kon inakó in batu doyowa inta ain pinaisan i Allah tontaní. Kon batu tatua pinais in singog mita inta siningog-Nea kon i monimu nongkon yua-yuak in tuḷú, kon tungkuḷ in moiko noyosipun kon simpangkoion in buḷud.

PILIPI 1:1

Utatku mita umat i Allah inta nogutun kon Pilipi, inta notobatúdon i Kristus Yesus bo inta ain nobaḻí itoi bo diaken kon jamaat! Akuoi, ki Paulus bo ki Timotius inta mogogaid kon oaidan i Kristus Yesus,

PILIPI 1:27

Dá tuamai naa in poigumonku, kobiagbí in moiko podudui in onu inta pinoigum kon bonu in Habar Mopia i Kristus, sinbá aka moiangoi in akuoi yo diá bo diá kodongogankudon, kon moiko in umuranbí notobatú kon gina bo raian in moramuji mogaid kon onu inta pinirisaya podudui in Habar Mopia nongkon i Allah.

TESALONIKA 1 2:2

Bo kinotaauan bidon monimu kon wakutu in kami diápa namangoi kon i monimu kon Tesalonika, kami in muna bidon pinogutú bo siningkuḻe kon kotá in Pilipi. Táe umpaka nobayong in intau moḷawang kon i nami, táe umuranbí inogoian i Allah naton in kabaranian in kami mopotaau kon i monimu in Habar Mopia inta nongkon i Allah.

TIMOTIUS 1 1:18

Timotius, adíku! Oaidan tanaa in inogoiku kon inimu pinodudui kon koyow i Allah inta ain pinoyaput in nabi mita kon jamaat soaḷ iko. Baḻídon baḷunmu in koyow i Allah tatua in mogaid kon bayongan oaidan inta mopia. Poramuji totu-totuu takin umuran kumadai kon inta moitutui bo paké in gina motuḻid bo modarit.

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

TIMOTIUS 2 1:13

Duduiaibí totu-totuu in totundú noitutui inta ain inogoiku kon inimu. Dika umukat kon onu inta ain pinirisayamu bo kon tabi inta ain nobaḻí kapunyaan naton, sin kita in notobatúdon i Kristus Yesus.

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

IBRANI 13:22

Poigumonku kon i monimu utat mita, sinbá indongoganpa monimu in tongginaku mita naa takin gina mosanang, sin nopoḷokbí in suratku tanaa.

IBRANI 6:9

Táe, utat mita inta kinotabiku, umpaka natua in singog nami, táe kinotaauan bidon nami in moiko. Noyakinbí in kami kon moiko in notarima bidon kon soaḷ inta mopia, tuata in barakat mita inta mokosaḷamat kon i monimu.

PETRUS 1 5:12

Suratku inta nopoḷok tanaa in pinoki paisku kon i Silas, intau inta inanggapkudon ginaḷum bo motaau pirisayaan. Surat tanaa in pinotuju kon i monimu. Akuoi in mononggina bo mopoyakin kon i monimu, kon onu inta pinaisku naa in habarbí totuu soaḷ totabi i Allah. Manangka intua akuoi in moguman sinbá moiko in umuran mokoporoton in kumadai kon totabi i Allah kon i monimu.

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

PETRUS 2 2:21

Maníka intau mita natua in diádon kon dodai in onda in nonotaau kon onu inta noitutui inta sinundú i Tuhan dika in nonotaaudon táe doíbí dinumudui kon parenta-Nea mita inta ain pinotaau kon i monia.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,

YUDAS 1:17

Táe Utatku mita inta kinotabiku, toropdon in onu inta koḻipod pinoguman in rasul mita i Yesus Kristus, Tuhan naton.

YUDAS 1:20

Táe moiko, utatku mita, tompiabí saḷaḷu in kobobiagmu podudui in pirisayamu kon i Yesus Kristus. Pirisaya inta totok in modarit. Bo posambayangdon takin kawasa in Roho i Allah,

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.