YUDAS 1:16 - Alkitab Singog In Mongondow Masa In Tanaa

¹⁶ Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.

YUDAS 1:16 Iomraidhean Croise

AYUB 32:21

Diábí in duḷuanku ki ineka kon pelekara tanaa bo diábí doman in dayowonku.

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

MAZMUR 106:25

Mosia in nonggomong-gomot kon bonu in ḷoḷaigan monia bo doí mokidongog kon singog i Tuhan.

MAZMUR 15:4

inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

MAZMUR 17:10

diábí kotaauan monia in motabi bo mododia in mosingog.

MAZMUR 73:8

Mosia in morebeg bo moposingo-singogmai, bo takin ḷoḷatú mosia in mogogondok bo mondorot.

AMSAL 28:21

Diábí mopia in mopoyoposi in intau; táe oyúonbí doman in hakim inta motombogá tongá popisí in bá mokouḻí kon doit topiḻik.

YESAYA 29:24

Intau bodok in mobalajarbí momangaḻe bo intau inta umuran mongunsingog in mopiabí in ginanea in tundúon.”

IMAMAT 19:15

Moiko musti motuḻid aka monantú kon taḷá; dika momihak kon intau bogá aka taḷánea bo dika moondok kon intau mita inta nooyúon.

PINOGIAPAN 14:36

Intau mita inta ain pinotabá i Musa nonaridi kon butá tatua, nobui nodia kon ouman inta diá totuu soaḷ butá tatua, bo soaḷ tatua in nokopopisí kon intau in Israel nongunsingog kon i Tuhan. Tuamai ki Tuhan nohukum kon i monia nodapot in mosia minatoi sin kinotugatan in takit.

PINOGIAPAN 16:11

Aka iko bo dumoduduimu mita mongunsingog kon i Harun, yo totuubí kon moiko ain noḷawang kon i Tuhan!”

PINOGIAPAN 16:41

Nopoikoḷomai kon singgai bayongan umat in Israel kitoru-torúmai kon i Musa bo kon i Harun. Mosia nosingog, “Moiko ain noḻimod kon umat i Tuhan.”

LUKAS 15:2

Dá intau mita in Parisi bo mototundú mita kon agama nomangkoidon mongunsingog, kai monia, “Sesé ah, intau tanion moibogbí motarima kon intau mita inta diá mopia, bo mongaan doman moyotakin monia!”

LUKAS 19:7

Táe intau mita inta nokoontong kon tua in nomangkoidon mongunsingog kai monia, “Ih! Sia in mongandupbí kon baḷoi in intau inta diá mopia!”

LUKAS 5:30

Tongonumai degá intau in Parisi bo mototundú mita kon agama noyaat in gina in nokoontongmai kon natua, dá mosia in noḻibó kon murí-Nea mita, “Nongonu in moiko sin nongaanbí noyotakin in mononagi kon pajak bo intau mita inta diá mopia?”

YOHANES 6:41

Intau mita Yahudi mulaidon mongunsingog kon i Yesus, sin ki Yesus in noguman: “Akuoi in roti inta noponag nongkon soroga.”

YOHANES 6:61

Kinotaauanbí i Yesus kon murí-Nea mita in mongunsingogbí doman kon soaḷ tatua. Dá tuamai Sia in noguman, “Degá mokotersinggung kon i monimu in singog-Ku mita tatua?

KORINTUS 1 10:10

Kita in dikabí umuran mokarana; ná inta inaidan in tongonumai intau kon sigad monimu koḻipod, sahingga in iḻimod in Malaekat inta Momomatoi.

GALATIA 5:16

Nanaabí in makusudku: Kobiagdon in moiko podudui kon ibog in Roho i Allah, donaaibí moibog mobiag podudui ibog in intau.

GALATIA 5:24

Ki ine inta ain nobaḻí kapunyaan i Kristus Yesus, yo mosia tua ain doman noḷumbú kon tabiat in intau bo bayongan ibog in dunia naa.

ULANGAN 1:27

Moiko nongunsingog nanaa, ‘Moyaat in gina i Tuhan kon i naton. Dá dinia-Nea in kita pinoḷuai nongkon Mesir bo posarakan kon bonu in kawasa intau in Amori sinbá ḻimodon monia in kita.

PILIPI 2:14

Aidaibí in oaidan tatua takin pia in gina bo dika mosirogian andeka mobobayowan.

TESALONIKA 1 4:5

Donaaibí dumudui kon ibog awak in batangan ná oaid in intau mita inta diá nonotaau kon i Allah.

TIMOTIUS 1 6:5

bo umuran moyogenggeng. Raian in intau mita natua ain nobangkung bo diádon motaau pirisayaanmai. Inanggap monia in agama naa in motaaubí potayakan kon kauntungan tontaní.

TIMOTIUS 2 4:3

Sin moiangoibí in wakutu intau in doídon motarima kon totundú inta moitutui. Mosia in dongkadon umuran dumudui kon ibog monia tontaní. Tuamai in mosia mosipundon kon guru mita podudui in ibog monia sinbá motundú doman kon onu inta mokosanang kon bongoḷan monia.

PETRUS 1 1:14

Kotoinduduidon kon i Allah, bo donaaidon mobiag podudui in ibogmu koḻipod, wakutu i moiko diápa nonotaau kon i Allah.

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.

PETRUS 2 2:10

torutama intau mita inta tantú dinumudui kon ibog in awak monia inta mokotor bo inta moningkuḻe kon kawasa i Allah. Ná domai tua in kobobarani monia bo koḷoḷatú in intau mita inta mongaku guru mita tatua, sahingga in diábí moondo-ondok in mosia moningkuḻe kon mahaḷuk mita in soroga inta momulia!

PETRUS 2 2:18

Mosia in umuran mopodandi in uboḷ mita bo inta diá baraguna. Ibog monia inta mokotor totok tatua pinaké monia mopoyaying kon i monia inta bagupa nopirisaya kon i Tuhan.

PETRUS 2 3:3

Inta musti totok kotaauan monimu in nanaabí: Kon singgai tumi mamangoi in intau mita inta kobobiag monia kinawasa ibog in awak monia tontaní. Mosia in moningkuḻe kon i monimu.

YUDAS 1:15

sin mohakim kon bayongan intau. Ki Tuhan in mohukum kon intau mita moraat popisí in oaid mita monia inta moromú. Bo hukumon-Neabí in intau mita baradosa bo inta modurhaka inta umuran mopoyaput in singog pohojat kon i Tuhan.”

YUDAS 1:18

Munadon pinotaau monia kon inimu, kon aka kodiug-kodiugdon in singgai pangabisan yo moiangoibí in intau mita inta moningkuḻe kon i monimu, mosia tuata in intau mita inta nobiag podudui in ibog monia inta baradosa naa.