YOSUA 9:9 - Alkitab Singog In Mongondow Masa In Tanaa

⁹ Mosia notubag, “Kami naa in namangoi nongkon butá inta totuu moyayú, Tuang, sin dinongogdon nami in soaḷ ki Tuhan Allah inta sinumba nai Tuang. Dinongogdon nami in bayongan inta pinomia-Nea kon Mesir,

YOSUA 9:9 Iomraidhean Croise

DATU MITA IMITÁNEA 8:41

Aka intau ango-angoi tobatú kon butá inta moyayú mokodongogdon kon kokokawasa-Mu bo inta mokoherang mita inta ain pinomia-Mu kon umat-Mu, bo sia in momangoi in baḷoi pososumbaan tanaa sin mohoromat kon ini-Mu bo mosambayang kon ini-Mu,

NEHEMIA 9:5

Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

MAZMUR 148:13

Biódon mako in mosia komintan modayow kon tangoi Tuhan, sin tangoi-Nea in moḷantu-ḷantud nongkon bayongan in tangoi; koḷoḷantud-Nea in nonigad kon ḷangit bo butá.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

MAZMUR 78:12

Kon tayowon in mogoguyang monia, ki Allah nomia kon inta mokoherang kon butá in Mesir, kon ḷopá in Zoan.

MAZMUR 83:18

Biódon mako in mosia modapot in mononoi pokopooyáanmai bo angoian in ondok, biódon mako in mosia matoi kon bonu in empeng.

IḶUAIAN 15:14

Bangusa mita mouyot in mokodongog; intau mita in Pilistin bo itoi mita intau in Edom inagían in ondok. Intau mita in Moab inta motorindog gugur mako, intau mita in Kanaan dapoton doman in uyot.

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

YESAYA 55:5

Moiko in mogoiníbí kon bangusa mita ango-angoi, bo mosia in ḷagidon mamangoi kon inimu, podoyon kon i-Nakó, ki Tuhan Allahmu, Allah mokudus in Israel, sin Akuoi in nopoḷantudon kon i monimu.”

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

PINOGIAPAN 14:15

Aka daiton-Mu yopúon in bayongan umat tanaa, dá bangusa mita inta nokoimontandon nokodongog kon soaḷ kawasa-Mu moḷoben tua in mosingogdon nanaa

PINOGIAPAN 20:14

Onda intua nongkon Kades, ki Musa nopotabá in totabá mita sin mayá mokipodungkuḷ kon i datu in Edom. Guman monia, “Kami in nongkon suku mita in Israel inta oyúonpa in tondoḷ in kompong i Tuangku. Degá kinotaauan bidon i Tuangku in yoyiga inta noiantug kon inami.

OUMAN IN RASUL MITA 8:7

Sin inontongdon monia tontaní in dimukud mita moraat iḷumuai nongkon intau inta sinoḷangannea tatua takin kumarak. Ná doman tua, nobayong doman totok in intau inta ḻempeng bo intau mita pelong in nopia.

ULANGAN 20:11

Aka mosia momukat kon ḷoḻingkop mita in ngara moḷoben bo tumungkud, yo mosia komintan in musti mobaḻí komintan bobantungmu mita bo musti mokoporajing in mogaid kon inimu.

ULANGAN 20:15

Natuata in aidan monimu kon kotá mita inta moyayú nongkon butá inta pinogutunanmu.

YOSUA 9:10

bo onu inta pinomia-Nea kon i datu in intau in Amori doyowa kon dotá in pomukaan kon Yordan, inta ki Sihon datu in Hesybon bo ki Og datu in Basan inta nogutun kon Asytarot.

YOSUA 9:16

Táe noniata magí, kon singgai nogintoḷu naonda in dodandian tatua pinomia, intau in Israel nodapotdon in kotá in Gibeon, Kepira, Beerot bo Kiryat-Yearim kon butá in intau mita tatua. Dá bain tua bo kinotaauan kon tampat pinogutunan monia tua in diábí noyayú nongkon Gilgal.

YOSUA 9:24

Mosia notubag, “Pinomia nami in natua sin dinongogdon nami kon ki Tuhan Allah inta sinumba i Tuang tua ain nopotabá kon i Musa, mogogundoi-Nea tua, nobogoidon kon i Tuang in bayongan butá tanaa bo moḻimod kon bayongan in intau inta nogutun kon butá tanaa kon dodai in tai Tuang mogamádon kon butá tatua. Kami in moondokdon totok aka ḻimodon in kami, tuamai pinomia nami in tanaa mita.