YOSUA 9:7 - Alkitab Singog In Mongondow Masa In Tanaa

⁷ Táe intau mita in Israel noguman, “Onubí in mangaḻenea kami momia kon dodandian takin i monimu? Degá bo moiko nion in tongábí nogutun kon nodiugmai mita kon naa!”

YOSUA 9:7 Iomraidhean Croise

KINOBAḺIAN 10:17

Intau in Hewi, Arki, Sini,

KINOBAḺIAN 34:2

Naonda in ki Sikhem, ki adí i Hemor intau in Hewi inta nobaḻí datu kon butá tatua nokoontong kon i Dina, pinoḷaguinea in mongodeaga tatua bo pinakisanea siniugan.

SAMUEL 2 24:7

Nongkon tua in mosia minayá ná toḷatan kon Tirus kotá inta oyúon in tampat poḷoḷukadan tua. Noiduduimai kon tua mosia minayá in bayongan kotá in intau in Hewi bo intau in Kanaan, bo imbuitnea in kon Bersyeba, kon dotá in toḷatan in Yohuda.

IḶUAIAN 23:22

Aka moiko motoindudui kon inia bo mogaid kon bayongan inta pinarenta-Ku, yo Akuoidon tontaní in monayow kon bayongan musungmu.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

IḶUAIAN 34:12

Dika momia kon dodandian takin intau mita kon butá inta kobayáan monimu, sin tua in mobaḻídon poyogaḷap inta mokopopisí kon kopatoianmu.

PINOGIAPAN 33:52

moiko musti mopoguntun in intau inta nogutun kon butá tatua. Yompatdon in bayongan berhala monia inta nongkon batu bo logam takin tampat mita pooibadaan monia.

ULANGAN 20:16

Táe aka kotá tatua kon bonu in butá inta inogoi i Tuhan Allahmu kon inimu, yo bayongan in intau inta nogutun kon tua musti yopúdon.

YOSUA 11:19

Nongkon kotá mita kon bayongan in butá tatua, diábí in tobatúmai in kotá in nogaid kon dodandian yoyobayatan takin Israel, koḻikudbí in Gibeon, kotá in bangusa in Hewi. Bayongan doman kotá ibanea sinaḷow doman monia kon bonu in parang.

YOSUA 9:1

Habar kinountungan in Israel noihabardon magí-mako noidapot kon bayongan in datu inta kon dotá in toyopan kon Ongkag in Yordan – kon buḷud, kon sipangkoion in buḷud, bo kon rata inta kinoouput in pintad in Dagat Toyuak nodapot in kinoyoyayú in Buḷud in Libanon kon dotá in Utuan; tuata in datu mita in Het, Amori, Kanaan, Peris, Hewi, bo Yebus.

HAKIM MITA 2:2

Tuamai moiko in diá bidon motaau in mogaid kon dodandian ibanea takin intau mita inta nogutun kon butá tanaa. Mezbah mita monia in mustibí toko umpagon monimu.’ Táe diábí inaidan monimu in onu inta ain pinoki aid-Ku tatua. Tongábí inta diá pinoki aid-Ku in inaidan monimu!

HAKIM MITA 3:3

Bangusa mita inta nogutunpa kon butá tatua in bangusa inta nogutun kon ḻima in kotá in Pilistin, bayongan in bangusa Kanaan, bangusa Sidon, bo bangusa Hewi inta nogutun kon buḷud in Libanon, pinangkoi kon Buḷud in Baal-Hermon nodapot kon daḷan inta nopobayá in Hamat.