YOSUA 9:11 - Alkitab Singog In Mongondow Masa In Tanaa

¹¹ Itoi mita bo bayongan in intau kon butá nami nopotabá kon inami nosadia kon tongkaaḷ sin mamangoi in naa mokipodungkuḷ kon i Tuang mita, bo moguman kon kami naa in ata mita kon i Tuang mita. Tuamai, kami in mopoigum in totabi kon i Tuang mita bo moibogpa kaasí momia kon dodandian takin inami.

YOSUA 9:11 Iomraidhean Croise

KINOBAḺIAN 43:12

Diadon doman doit inta kobayongnea kodua ná kobayong inta muna, sin doit inta nouḻí monimu kon bonu in karong monimu tatua musti monimu pobuion. Sin degá tua in tongábí notoboḻingo.

DATU MITA 2 10:5

Tuamai in tongguḷu in komaḻig bo walikota takin guhanga mita in ḻipú bo intau mita inta noḷukad kon i adí bo ompu i Ahab tua in nokidia in habar nanaa kon i Yehu, “Kami in motoguondokbí kon i Tuang bo mosadiabí in kami mogaid kon onuka in pokiaid i Tuang kon i nami. Diábí in kami moduí kon i ineka sin mobaḻí datu. Aidaidon onu in mopia kon mata i Tuang.”

ESTER 8:17

Kon batúan in kotá bo propinsi, kon ondaka in pinobacaan kon surat parenta i datu, yo intau mita in Yahudi in mopiabí in gina, nongosanang in gina bo norame. Nodapot in nobayong in intau kon tua in sinumuotdon nobaḻí intau in Yahudi, popisí in mosia in noondok kon bangusa tatua.

LUKAS 9:3

Naa in koyow-Nea kon i monia, “Donaaibí modia kon onu bo onu in kon binayáan. Dika doman modia kon tungkud andeka baḷun, kaanon andeka doit, andeka ḷambung pomaḷuian.

YOSUA 1:11

sinbá moḻibu kon bayongan pinononḷoḷaigan in umat Israel bo nopotaau in parenta tanaa, “Posadia kon tongkaaḷ, sin toḷupa nosinggai nongkon naa bo moiko in mustidon ḷumoḷan kon Ongkag in Yordan sin mayá ḻimitú kon butá inta inogoi i Tuhan Allahmu kon inimu.”

YOSUA 9:10

bo onu inta pinomia-Nea kon i datu in intau in Amori doyowa kon dotá in pomukaan kon Yordan, inta ki Sihon datu in Hesybon bo ki Og datu in Basan inta nogutun kon Asytarot.

YOSUA 9:12

Tungkuḷaika i Tuang mita indoiai, roti tongkaaḷ nami naa. Kon tungkuḷ in kami namangoi, roti tatua in noanaipa. Táe tanaa, indoiaika! Noingkagdon bo inuḷampung domandon.

YOSUA 9:8

Mosia noguman, “Kami in moibogbí in mogaid kon onuka in parentaan i Tuang.” “Ki ine in moiko? Bo nongkon onda?” Tua in ḷoḻibó i Yosua kon i monia.