YOSUA 8:9 - Alkitab Singog In Mongondow Masa In Tanaa

⁹ Onda intua ki Yosua nopotabádon kon i monia, bo mosia minayá nogadop kon dotá in toyopan kotá in Ai kon sigad in Ai bo Betel, bo nogoḷat kon tua. Táe ki Yosua in nosiugpa kon pinononḷoḷaigan in umat Israel.

YOSUA 8:9 Iomraidhean Croise

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 32:21

Dá tuamai sia in nokidiadon muna in sosumba tatua, yo sia tontaní nosiugpa in doḷom tua kon ḷoḷaigan.

YOSUA 7:2

Kon dodai intua ki Yosua nopotabá in tongonumai in intau nongkon Yerikho minayá in Ai, kotá tobatú kon dotá in pomukaan kon Betel, kon diug in Bet-Awen. Intau mita tatua pinotabá pinoki taridian in butá tatua. Naonda in mosia nobui nongkon oaidan tatua,

YOSUA 8:10

Subupa totok ki Yosua nobangon bo nomarenta kon tontaranea mita sinbá moyosipun. Onda intua sia bo itoi mita in umat in Israel nodia kon tontara tatua minayá in Ai.

YOSUA 8:12

Degá 5.000 in intau inta ain pinotabánea nogadop kon dotá in toyopan kon kotá tatua, inta kon sigad in Ai bo Betel.

YOSUA 8:8

Naonda in koagowan mako turubdon in kotá tatua, podudui kon ná inta ain pinarenta i Tuhan. Tuata in oaidanmu.”

SAMUEL 1 30:27

Kotá mita tatua in Betel bo Rama kon dotá in toḷatan Yohuda, Yatir, Aroër, Sipmot, Estemoa, Rakhal, bo kotá doman mita in intau in Yerahmeel, kotá mita in intau in Keni, Horma, Bor-Asan, Atakh bo Hebron. Bayongan in kotá inta ain kinobayáan i Daud bo intaunea, in pinoki diaannea in tombuinag tatua.