YOSUA 8:8 - Alkitab Singog In Mongondow Masa In Tanaa

⁸ Naonda in koagowan mako turubdon in kotá tatua, podudui kon ná inta ain pinarenta i Tuhan. Tuata in oaidanmu.”

YOSUA 8:8 Iomraidhean Croise

SAMUEL 2 13:28

Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

ULANGAN 20:16

Táe aka kotá tatua kon bonu in butá inta inogoi i Tuhan Allahmu kon inimu, yo bayongan in intau inta nogutun kon tua musti yopúdon.

YOSUA 1:16

Dá suku i Ruben, i Gad bo tongobotak in suku i Manasye tatua in notubag, “Onukabí in parentaanmu kon inami, aidanbí nami, bo kon ondakabí in popotabáanmu kon inami mayá, yo mayábí doman in kami.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

YOSUA 6:24

Onda intua tontara in Israel nonurubdon kon bayongan kotá tatua takin bayongan in tombonunea, koḻikudbí in buḷawan, saḷaka, tambaga bo uatoi. Pakakat mita tatua ginamá monia bo dinia kon tampat pototagúan kon kapunyaan i Tuhan.

YOSUA 8:13

Dá, nanaadon in pinogogator kon tontara inta mayá moparang tatua: Markas inta totok in moponting pinoukat kon dotá in utuan kon kotá tatua bo tontara ibanea in kon dotá in toyopan, bo ki Yosua minayá in ḷopá in doḷom tua.

YOSUA 8:2

Ai bo datunea in musti aidanmu ná pinogogaidmu kon Yerikho bo datunea koḻipod. Táe tanaa in barangnea mita bo bobiagonnea in motaaudon gamáanmu mobaḻí kapunyaanmu. Posadiadon in mayá monubu kon kotá tatua taḻikokogan nongkon tumi.”

YOSUA 8:28

Ki Yosua nomokak kon Ai, bo pinomayá mako nobaḻí utag dapot in tanaa.

YOSUA 8:7

Kon dodaidon intuata bo ḷumuai in moiko nongkon pinogadopan monimu, bo mogagow kon kotá tatua. Ogoi bidon i Tuhan Allahmu intua kon inimu.

YOSUA 8:9

Onda intua ki Yosua nopotabádon kon i monia, bo mosia minayá nogadop kon dotá in toyopan kotá in Ai kon sigad in Ai bo Betel, bo nogoḷat kon tua. Táe ki Yosua in nosiugpa kon pinononḷoḷaigan in umat Israel.

HAKIM MITA 4:6

Kon singgai tobatú nopotabá in sia kon intau nokioiní kon i Barak, adí i Abinoam, nongkon kotá in Kedes kon butá in Naptali. Bo sia in noguman kon i Barak, “Naa in parenta i Tuhan, Allah in Israel, kon inimu: ‘Sipundon in intau ḷoḷaki 10.000 nongkon suku Naptali bo Zebulon, bo diádon in mosia mayá in Buḷud in Tabor.