YOSUA 8:4 - Alkitab Singog In Mongondow Masa In Tanaa

⁴ bo nobogoi in parenta tanaa kon i monia, “Pogadopdon kon ḻikudmai in kotá tatua, tongá dika totok in yumayú; bo posadiadon monubu.

YOSUA 8:4 Iomraidhean Croise

DATU MITA 2 7:12

Kon tungkuḷ intua nodoḷompa, táe ki datu in iḻumuai domandon kon gopotnea bo noguman kon pogawainea mita, “Indongogaika! Kinotaauankubí in tomayá in intau mita in Siria tua! Kinotaauanbí monia kon kita naa in ginogoidon, tuamai in sinaḷáandon monia in ḷoḷaigan bo minayá nogadop kon dogami sin mobayat kon inaton ḷumuai motayak kon kaanon. Onda intua domokon monia in kita bo ḻitúandon monia in kotá.”

TAWARIKH 2 13:13

Kon dodai intua ki Yerobeam in nopotabádon in tongosilai nongkon tontaranea sin monubu kon Yohuda nongkon tumi, bo tongosilai doman in nonayow kon i monia nongkon muna.

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.

MOHOHUTUBA 9:16

Dá, totuubí in kain singogku kon hikmat naa in noiḻiubí kon ropot. Umpaka natua, hikmat in intau nobiag nobogá diá inindoianmai. Tosingogonnea diá in inindongogan.

OUMAN IN RASUL MITA 23:21

Tongá donaaibí duduian i Tuang onu in poigumon monia tua. Sin oyúonbí in noiḻiumai kon opat nopuḷú in intau nongkon imonia tua in nogadop kon daḷan sin monomayá moḷabot kon i Paulus kon yuak in daḷan. Intau mita tatua ain nongibot poḷat nongutuk kon mosia in diápabí mopongaa-ngaan bo moponginu-nginum aka diápa koḻimodan monia in ki Paulus. Tanaa in mosia aindon nobasadia, dongka bidon mogoḷat kon singog i Tuang.”

YOSUA 8:16

Bayongan in ḷoḷaki kon kotá in Ai nodait pinarentaan mondudur kon i Yosua bo tontaranea tatua. Táe koyayú-koyayú in ponduduran monia kon i Yosua dá koyayú-koyayú doman in mosia nongkon kotá monia.

YOSUA 8:3

Dá ki Yosua nosadiadon mayá in Ai moyotakin in bayongan tontaranea. Sia nomiḻí kon 30.000 in tontara mita inta totok mopia, bo nopotabá kon i monia kon wakutu in doḷom,

HAKIM MITA 20:29

Nokodongogmai kon tubag i Tuhan natua, intau mita in Israel nopotabádon kon tontara mita monia kon tampat mita inta noiadop kon Gibea.

HAKIM MITA 20:33

Naonda in tontara in Israel inta ḷontúnea inumundok bo nogator bui kon pipidan in tontara kon Baal-Tamar, intau mita monia inta sinampat kon diug in Gibea, baḷúdon iḻumuai kon tampat pinogadopan monia kon butá inta kon ḷuai in kotá.

HAKIM MITA 20:36

Bain tua bo intau mita in Benyamin nonotaaudon kon sinaḷowdon in mosia. Tontara in Israel inta ḷontú mita in sinumuod bidon noḷagui kon intau mita in Benyamin sin mosia in nopongatadon kon intau mita monia inta kon tampat pinogadopan mita monia kon diugmai in Gibea.

HAKIM MITA 9:25

Intau mita in Sikhem nonampatdon kon intau mita monia kon tudu mita in buḷud sin modomok kon i Abimelek. Pomuḷoi in intau inta moitaḻib kon tua pogagowan in intau mita tatua. Dá onu inta nobaḻí tatua pinotaaudon kon i Abimelek.

HAKIM MITA 9:32

Tuamai, iko takin intaumu mita in bayádon pogadop kon gobá kon dodai in doḷom.

SAMUEL 1 15:2

Sia in mohukumbí kon intau in Amalek, sin mogoguyang monia in noḷawang kon intau in Israel kon dodai in intau in Israel namangoi nongkon Mesir.

SAMUEL 1 15:5

Onda intua minayádon in ki Saul takin intaunea mita kon kotá in Amalek bo noḷabot kon musung kon yuak in ongkag inta noingkag.