YOSUA 8:3 - Alkitab Singog In Mongondow Masa In Tanaa

³ Dá ki Yosua nosadiadon mayá in Ai moyotakin in bayongan tontaranea. Sia nomiḻí kon 30.000 in tontara mita inta totok mopia, bo nopotabá kon i monia kon wakutu in doḷom,

YOSUA 8:3 Iomraidhean Croise

IḶUAIAN 17:9

Guman i Musa kon i Yosua, “Pomiḻídon kon tongonumai intau sin moparang takin intau in Amalek. Ikoḷom akuoi in simindog kon tudu in buḷud bo mokadai kon tungkud inta pinoki dia i Allah.”

MATIUS 24:39

Bo diábí kinotaauan monia in onu inta nobaḻí, wakutu in ḷunud diápa noiangoi bo nomutú kon i monia komintan. Natua doman in mobaḻí kon masa in koangoian i Adí Intau.

MATIUS 24:50

Bo ki tuangnea in namangoi kon singgai inta diá sinangka-sangkanea bo kon wakutu inta diá kinotaauannea.

MATIUS 25:6

Naonda in noonggotdon kon doḷom dinongogmai oyúon in singog noguman nanaa, ‘Nonikaan niondon! Tontomudon in sia!’

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

YOSUA 10:7

Bo ki Yosua takin bayongan in tontaranea, noitakin doman in tontaranea mita inta mongopia totok, nobuat nongkon Gilgal sin mayá moparang.

YOSUA 8:2

Ai bo datunea in musti aidanmu ná pinogogaidmu kon Yerikho bo datunea koḻipod. Táe tanaa in barangnea mita bo bobiagonnea in motaaudon gamáanmu mobaḻí kapunyaanmu. Posadiadon in mayá monubu kon kotá tatua taḻikokogan nongkon tumi.”

YOSUA 8:4

bo nobogoi in parenta tanaa kon i monia, “Pogadopdon kon ḻikudmai in kotá tatua, tongá dika totok in yumayú; bo posadiadon monubu.

PETRUS 2 3:10

Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.

HAKIM MITA 9:32

Tuamai, iko takin intaumu mita in bayádon pogadop kon gobá kon dodai in doḷom.