YOSUA 7:9 - Alkitab Singog In Mongondow Masa In Tanaa

⁹ Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

YOSUA 7:9 Iomraidhean Croise

MAZMUR 115:1

Deemanbí kami, o Tuhan, deemanbí kami, táe tongábí Iko in musti dayowon, sin Iko in mosatia bo umuran motabi.

MAZMUR 48:10

Kon bonu in Baḷoi-Mu kami in monano-nanob kon tabi-Mu, o Allah.

MAZMUR 79:9

Tuḷungaipa kaasí in kami o Allah, mopoposaḷamat nami, ampungaipa in dosa mita nami bo poḷuatdon in kami podoyon kon kahoromatan-Mu tontaní.

MAZMUR 83:4

Mosia in nonomayá kon diá mopia monayow kon umat-Mu; bo noyosingogdon kon monayow kon intau mita inta iḷukadan-Mu.

MAZMUR 83:5

Guman monia, “Igai rimumudon naton in bangusa in Israel, sinbá tangoi monia in diádon toropon bui.”

IḶUAIAN 32:12

Aka yopúon-Mu in mosia, yo intau in Mesir in mogumandon kon Iko in nodia kon i monia iḻumuai nongkon Mesir sin ḻimodon in kon buḷud bo yopúondon komintan. Donaai kaasí aidan in natua, o Tuhan, baḷuaidon in niat-Mu bo donaaidon popoantugan in bodito in bangusa tatua.

YEHEZKIEL 20:9

Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

MIKHA 7:10

Dungkuḷmai musung in moningkuḻe kon i naton takin mosingog, “Kon onda degá in ki Tuhan, Allahmu tatua?” Táe tanaa mosia in mokoontongbí kon onu in aidan i Tuhan kon i naton, bo mobaḻíbí mooyá in mosia. Kita in moindoibí kon musung mita naton tatua in taḷowon bo rita-ritakan mako naonda bo yoná kon daḷan.

PINOGIAPAN 14:13

Bo ki Musa in noguman kon i Tuhan, “O, Tuhan, kodongogan in intau in Mesir intua! Bokaka takin kawasa-Mu inta moḷoben Iko nodia kon inami iḻumuai nongkon butá tatua,

YOHANES 12:28

Amá, pomuliadon in tangoi-Mu!” Dá kinodongogandon in singog nongkon soroga in noguman, “Aindon pinomulia-Ku, bo buipabí doman pomuliaan-Ku.”

ULANGAN 9:28

Aka umat-Mu yopúon-Mu doman, dá intau mita in Mesir in mosingogbí kon Iko in diábí mokosanggup in modia kon bangusa-Mu mayá in butá inta pinodandi-Mu kon i monia, bo Iko nodia kon i monia mayá in padang gurun sin ḻimodon, sin moyaat in gina-Mu kon i monia.

YOSUA 7:10

Ki Tuhan noguman kon i Yosua, “Pobangon! Diábí in mangaḻe in tungkudanmu mako kon butá naníon!

YOSUA 7:8

O Tuhan! Sinaḷowdon in musung in intau mita in Israel. Yo onu in singogonku in tanaa?

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.