YOSUA 7:8 - Alkitab Singog In Mongondow Masa In Tanaa

⁸ O Tuhan! Sinaḷowdon in musung in intau mita in Israel. Yo onu in singogonku in tanaa?

YOSUA 7:8 Iomraidhean Croise

EZRA 9:10

Táe tanaa, o Tuhan Allah, naonda in bayongan inta nobaḻí tatua, onu in motaau nami singogon? Kami in buidon nonaḷámai kon parenta-Mu mita,

MAZMUR 44:10

Táe tanaa Iko in nonaḷá kon inami bo nopomayá mako kon inami taḷowon. Iko in diádon minayá noyotakin nami kon poparangan.

MAZMUR 89:43

Pinountung-Mu in musungnea mita, bo bayongan in ḷawang pinoḷunganga in ginanea.

HABAKUK 2:1

Akuoi in moibog moponik kon ḷangkeang poḷoḷukadanku, bo mogoḷat mongo onu in poguman i Tuhan kon inakó, bo naonda in tubag-Nea kon amuiku.

YOSUA 7:7

Ki Yosua noguman kon i Tuhan, “O Allah Tuhanku! Onu in mangaḻe in pinodiaan-Mu kon inami nodapot kon ḷoḷan in Yordan? Yo degá tongábí mobogoi kon inami kon intau mita in Amori? Sinbá matoi in kami? Mopia-piabí kon nogutun kon ḷoḷan in Yordan in kami!

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

SAMUEL 1 4:3

Naonda in kiagat in tontara inta sinaḷow tatua nobui kon pinononḷoḷaigan, itoi mita in Israel noguman, “Nongonu degá sin pinomayá bidon mako i Tuhan in kita sinaḷow in intau in Pilistin kon singgai in naa? Igai gamáan naton in Poti Dodandian i Tuhan nongkon Silo, bo diaan naton mangoi, sinbá ki Tuhan motuḷung kon inaton bo moposaḷamat kon inaton nongkon musung.”