YOSUA 6:7 - Alkitab Singog In Mongondow Masa In Tanaa

⁷ Bo ki Yosua nopotabádon kon tontaranea mita nopipid noḻibu kon kotá tatua, inunaan in pipidan in pongawal kon muna inta minayá inumuna kon Poti Dodandian i Tuhan.

YOSUA 6:7 Iomraidhean Croise

YOSUA 1:14

Komintan ki adí, buḷoi bo bobiagonmu in motaaubí mogutun kon naa, tongá tontaramu mita in musti mosadia moparang bo umuna kon intau mita in Israel ibanea ḷumoḷan kon Ongkag in Yordan.

YOSUA 4:13

Kobayong monia komintan tua in 40.000 in ḷoḷaki inta kodia-dia in pakakat in parang bo nosadiadon moparang kon tayowon i Tuhan, mosia iḷumoḷan nopobayá ná rata inta noompá kon diug in Yerikho.

YOSUA 6:3

Iko takin tontaramu in musti mopipid moḻibu kon kotá tatua muḷoi in singgai komintan kon bonu in onom nosinggai.

YOSUA 6:6

Dá ki Yosua in nogoiní kon imang mita, bo noguman, “Buatdon in Poti Dodandian tatua; pitu nongkon sigad monimu in musti mayá kon munanea kodia-dia in torompet.”

YOSUA 6:8

Pinodudui kon parenta i Yosua, nobuatdon in pipidan pongawal kon muna inumuna kon imang mita inta mogogirup kon torompet, dinuduian in imang mita inta nomotaan kon Poti Dodandian, bo sinimpodan in pipidan pongawal kon tumi. Koyogot in mosia minayá, torompet umuranbí inirup.