YOSUA 6:5 - Alkitab Singog In Mongondow Masa In Tanaa

⁵ Onda intua imang mita tatua musti mogirup kon torompetnea koonggoton. Naonda in kodongogan monimu in singognea inta moonggot tua, bayongan in tontara musti morogiow koropoton totok, dá dinding in kotá tatua in moumpagdon. Bo moiko komintan in baḷúdon tumuot kon kotá tatua.”

YOSUA 6:5 Iomraidhean Croise

IḶUAIAN 19:19

Singog in torompet koḷangon-koḷangon totok. Ki Musa nosingog, bo ki Allah in notubag kon inia takin gotup.

YESAYA 25:12

Benteng mita in Moab takin dindingnea mita inta moḷantud in umpagon-Neabí bo pogambat-Nea kon butá modapot in morimumud ná ḷobud.

YESAYA 30:25

Kon singgai benteng mita in musungmu kinopung bo intaunea mita iḻimod, batúan in buḷud bo tombuḷudnea mopoḷuaidon in tapá mita.

YEREMIA 50:15

Pokokowdon kokow in parang kon ḻibumai in kotá tatua! Tanaa Babel in ain sinumungkud. Pandongnea mita in dinangatandon bo inumpag. Akuoi in koyogotdon motuḻí kon Babel. Tuamai in popoaidon kon i monia in onu inta pinopoaid monia kon intau mita ibanea.

IBRANI 11:30

Popisí in nopirisaya, dá norumbunbí doman in intau Israel in dinding Yerikho wakutu in iḻibu monia pitu nosinggai.

YOSUA 6:16

Naonda in noginpitu noḻibu, naonda in imang mita nogirup kon torompet monia, ki Yosua nobogoi in parenta kon bayongan in tontara sinbá morogiowdon totok. Ki Yosua noguman, “Ki Tuhan ain nobogoi in kotá tanaa kon inimu!

YOSUA 6:20

Bo imang mita nogirupdon kon torompetnea. Bo naonda in kinodongogan in intau mita in Israel in torompet tatua, mosia norogiow noropot totok, bo dinding in kotá in Yerikho norumbun. Bayongan in tontara in Israel baḷúdon noponik, bo sinumuot in kotá tatua bo nogagow.

YOSUA 6:4

Imang pitu, motukid in torompet, musti mayá kon muna in Poti Dodandian. Kon singgai noginpitu, iko takin tontaramu in musti moḻibu kon kotá tatua kopitu bo kon dodai doman intua imang mita musti mogirup kon torompetnea.

YOSUA 6:6

Dá ki Yosua in nogoiní kon imang mita, bo noguman, “Buatdon in Poti Dodandian tatua; pitu nongkon sigad monimu in musti mayá kon munanea kodia-dia in torompet.”

HAKIM MITA 20:37

Intau mita inta nogadop tatua in iḻimikatdon sinumuot bo nonubu kon Gibea; mosia in irumangkap kon bayongan in tampat kon bonu in kotá bo noḻimod kon bayongan in intau kon tua.

SAMUEL 1 17:20

Nobangon monik, doḷo-doḷom, ki Daud nobangon bo nonouḷut. Dombanea in pinoki ḷukadnea kon moḷoḷukad tobatú, onda intua nogamá in sia kon tongkaaḷnea bo minayá, podudui in parenta i amánea. Sia in nodapot kon pinononḷoḷaigan kon dodai in intau in Israel mobuat mayá in tampat popoparangan sindaḷan momaḷú in parenta moparang.

SAMUEL 1 17:52

Intau mita in Israel bo Yohuda norogiowdon bo nondudur kon intau mita in Pilistin nodapot in Gat bo ngara moḷoben in Ekron. Intau mita in Pilistin inta kinekeban moyo-moyoguntuḷ in kon daḷan mopobayá in Saaraim tua.

SAMUEL 1 4:5

Naonda in Poti Dodandian tatua nodapot kon pinononḷoḷaigan, norogiowdon noropot in intau in Israel, nodapot in nodandú in butá.