YOSUA 6:3 - Alkitab Singog In Mongondow Masa In Tanaa

³ Iko takin tontaramu in musti mopipid moḻibu kon kotá tatua muḷoi in singgai komintan kon bonu in onom nosinggai.

YOSUA 6:3 Iomraidhean Croise

TAWARIKH 2 4:3

Kon ḻibunea dotá in ḷuainea iḷambáan in doyowa nopipid in gambar in sapi, inta pinoyocor in kuyon tatua.

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

YOSUA 6:11

Natuata in pinogogator i Yosua kon tontaranea mita nodia kon Poti Dodandian noḻibu kon kotá tatua tosinggai in komintan, onda intua mobuidon kon pinononḷoḷaigan, bo mogogai kon tua.

YOSUA 6:14

Kon singgai nogindua mosia in noḻibudon bui kon kotá tatua komintan bodongka nobui kon pinononḷoḷaigan. Natuata in inaidan monia kon bonu in onom nosinggai.

YOSUA 6:2

Ki Tuhan noguman kon i Yosua, “Tanaa ogoi-Kudon kon inimu in Yerikho takin datu bo bayongan in rayatnea inta mongobarani tatua.

YOSUA 6:4

Imang pitu, motukid in torompet, musti mayá kon muna in Poti Dodandian. Kon singgai noginpitu, iko takin tontaramu in musti moḻibu kon kotá tatua kopitu bo kon dodai doman intua imang mita musti mogirup kon torompetnea.

YOSUA 6:7

Bo ki Yosua nopotabádon kon tontaranea mita nopipid noḻibu kon kotá tatua, inunaan in pipidan in pongawal kon muna inta minayá inumuna kon Poti Dodandian i Tuhan.