YOSUA 6:12 - Alkitab Singog In Mongondow Masa In Tanaa

^12-13 Nopoikoḷomai kon singgai, subupa totok, ki Yosua nobangon bo kon induaneadon in imang mita takin tontaranea mita nopipid noḻibu kon kotá tatua kon bonu in pipidan ná singgai dungkuḷ: Kon dungkuḷ totok in pipidan pongawal kon muna, dinuduian in imang pitu inta mogogirup kon torompet, bo dinuduian in imang mita inta nomotaan kon Poti Dodandian, bo sinimpodan in pipidan pongawal kon tumi. Bo torompet umuran inirup.

YOSUA 6:12 Iomraidhean Croise

KINOBAḺIAN 22:3

Nobangon monik doḷo-doḷompa, ki Abraham noniai kon kayu sin pakéon potubaan kon kuruban, kayu tatua sinogotnea mako bo pinopobaba kon keledainea. Sia in minayá takin i Ishak bo bobantungnea doyowa, mosia nopobayá in tampat inta pinoguman i Tuhan kon inia.

ULANGAN 31:25

Naonda in nopaḷut, sia noguman kon imang Lewi inta pinoki aidan monoinut kon Poti Dodandian,

YOSUA 3:1

Nopoikoḷomai kon singgai, ki Yosua bo bayongan umat in Israel nobangon subupa totok, bo nonaḷámai kon pinononḷoḷaigan monia kon Sitim, bo minayá in Ongkag in Yordan. Kon tua in mosia nononḷoḷaigan sin mogoḷat kon wakutu monia ḷumoḷan.

YOSUA 6:11

Natuata in pinogogator i Yosua kon tontaranea mita nodia kon Poti Dodandian noḻibu kon kotá tatua tosinggai in komintan, onda intua mobuidon kon pinononḷoḷaigan, bo mogogai kon tua.

HAKIM MITA 20:19

Nopoikoḷomai doḷo-doḷom nobuatdon in mosia bo nononḷoḷaigan kon diug in kotá in Gibea.