YOSUA 5:3 - Alkitab Singog In Mongondow Masa In Tanaa

³ Dá ki Yosua nomia kon onu inta pinarenta i Tuhan, bo sinoitneadon in intau mita in Israel kon tampat inta sinangoian Buḷud Pinonoitan.

YOSUA 5:3 Iomraidhean Croise

IḶUAIAN 4:25

Bo Ki Zipora ki buḷoinea, nogamá kon batu moḷanit bo pinonoit kon i adínea, bodongka pinoḻiainea kon sioḷ i Musa. Guman i Zipora, “Iko buḷoi inta dinugúku.”

MATIUS 16:24

Bo ki Yesus in noguman kon murí-Nea mita, “Pomuḷoi intau inta moibog dumudui kon i-Nakó, sia in musti monaḷámai kon oaidannea tontaní bo momotaan kon roriganea, bo dumudui kon i-Nakó.

YOSUA 5:2

Kon dodai intua ki Tuhan noguman kon i Yosua, “Pomiadon kon tosilad nongkon batu, bo pomiadon kon upacara ponoitan kon intau mita in Israel.”

YOSUA 5:4

Kon tungkuḷ in intau mita in Israel iḻumuai nongkon Mesir, bayongan intau monia ḷoḷaki nodaitdon sinoit. Táe naonda in mosia nodondaḷoi kon padang gurun opat nopuḷú notaong in koonggotnea, ki adí mita monia ḷoḷaki tobatúmai diápa in sinoit. Bo kon buit in opat nopuḷú notaong tatua, intau ḷoḷaki inta kon dodai in iḻumuai nongkon Mesir noitakindon nobaḻí tontara, komintandon minatoi, sin diá motoindudui kon parenta i Tuhan. Dá podudui in ibot i Tuhan, mosia in diá inogoi moindoi kon butá inta mopia totok bo moḷongó tua inta pinodandi-Nea kon mogoguyang monia.