YOSUA 4:9 - Alkitab Singog In Mongondow Masa In Tanaa

⁹ Kon yua-yuak doman in ongkag in Yordan tatua, ki Yosua nopoyoguntuḷ in batu mopuḷú bodoyowá noitongkaná kon tampat inta sinindogan in imang mita inta nomotaan kon Poti Dodandian tatua. (Batu mita tatua umuranpa doman oyúon dapot in tanaa mako.)

YOSUA 4:9 Iomraidhean Croise

KINOBAḺIAN 26:33

Bo ki Ishak nonangoidon kon parigí tatua “Ibot”. Tuata in kinobobaḻí muna in kotá tatua sinangoian Bersyeba.

KINOBAḺIAN 28:18

Nobangon monik doḷo-doḷom, ki Yakub sinimindog, bo nogamá kon batu inta pinakénea pinonguḷunan bo pinosindognea nobaḻí tobatú tompoingat bodongka pinobutakneadon in ḷana zaitun kon tudu in batu tatua.

DATU MITA IMITÁNEA 18:31

Nogamá in sia kon batu mopuḷú bodoyowá, batu tobatú mobaḻí toḻiu in suku doman tobatú inta buí i Yakub, intau mita inta ain sinangoi Israel i Tuhan.

TAWARIKH 2 5:9

Kayu tombuḻigan tatua in noḷanggó totok, dá popodnea mita in koontongan nongkon Yuang Totok Motusi, táe diá koontongan nongkon ḷuai. (Dapot in singgai naa kayu mita tatua in kon tuapabí doman.)

IḶUAIAN 24:12

Noiduduimai kon tua ki Tuhan noguman kon i Musa, “Angoidon kon i-Nakó kon tudu in buḷud. Kon tua ogoi-Ku kon inimu in batu doyowa inta pinomaisan-Ku kon bayongan hukum-Ku. Bayongan hukum tatua ogoi-Ku sin baḻíon totundú kon bangusa-Ku tatua.”

IḶUAIAN 28:21

Kon batúan in permata musti popokurig in tangoi tobatú nongkon sigad i adí Yakub inta mopuḷú bo doyowa nobaḻí tompoingat kon suku mita Israel.

MATIUS 27:8

Tuamai butá tatua dapot in singgai naa sinangoian intau “Butá boḻi in dugú”.

MATIUS 28:15

Sinarima monia in doit tatua bo dinuduian monia onu inta pinoguman bo pinoki aid kon i monia. Bo ouman tanaa aindon nodapot kon intau mita in Yahudi dapot masa in tanaa.

ULANGAN 34:6

Ki Tuhan noḷobong kon inia kon ḷopá tobatú kon Moab kon ḷoḷan in kotá in Bet-Peor, táe dapot in singgai naa diábí tobatúmai intau in nonotaau totok mongo kon onda in poḷoḷobongannea.

YOSUA 24:26

Bayongan in hukum bo atorang mita tatua pinaisnea kon bonu in buk Hukum i Allah. Onda intua sia nogamá kon batu moḷoben tobatú, bo pinosindognea kon ḻimonag in kayu moḷoben kon tampat inta ain sinantú kon i Tuhan.

YOSUA 4:10

Imang mita tatua umuranpabí sinimindog mako nodapot in intau mita tatua nopaḷut nogaid kon bayongan inta pinoki aid i Tuhan kon i monia pinongin i Yosua. Tua in noidudui kon topotundú mita i Musa kon i Yosua. Noḻikat in bangusa Israel iḷumoḷan kon Ongkag in Yordan.

HAKIM MITA 1:26

Onda intua sia nomampingdon kon butá in intau in Het, bodongka noposindog in kotá tobatú kon tua bo sinangoiannea Lus. Kotá tatua umuranpabí doman natua in tangoinea.

SAMUEL 1 30:25

Onda intua soaḷ tatua binaḻí i Daud atorang tobatú, bo dinuduian kon Israel dapot in tanaaya.

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.