YOSUA 4:7 - Alkitab Singog In Mongondow Masa In Tanaa

⁷ dá moiko in musti moguman kon i monia kon tubig in Ongkag in Yordan nobontow kon dodai in Poti Dodandian i Tuhan dinia iḷumoḷan kon ongkag tatua. Batu mita tatua umuran moponorop kon bangusa Israel kon onu inta nobaḻí kon naa.”

YOSUA 4:7 Iomraidhean Croise

MAZMUR 111:4

Ki Tuhan tua in motabi bo mopia in gina, Sia in nogaid kon inta mokotongaw mita, sinbá umuran kotoropan naton intua.

IḶUAIAN 12:14

Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

IḶUAIAN 30:16

Gamádon in doit tatua nongkon bangusa Israel, bo pakédon kon popopandung kon poibadaan kon bonu in Ḷoḷaigan-Ku. Komintan tua in doitbí tobutan kon i monia tontaní, bo umuran-Kudon kotoropan in moḷukad kon i monia.”

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

PINOGIAPAN 17:5

Tungkud in intau inta piḻíon-Ku in momoḻimping. Natuata in Akuoi mopogogai in amui mita in intau mita inta umuran mongunsingog kon i monimu.”

KORINTUS 1 11:24

bo naonda in sinambayangan-Nea in roti tatua poḷat binonsi-bonsig-Nea bo noguman, “Naa in awak-Ku inta posarakan kon i monimu. Aidai in naa sinbá umuran kotoropan monimu in Akuoi.”

ULANGAN 16:3

Sosumba Paska tatua musti kaanon takin roti inta diá iragian. Pitu nosinggai in koonggotnea moiko in musti mokaan kon roti inta diá iragian, ná kon dodai in moiko nonaḷámai kon Mesir takin iḻimika-ḻikat. Kaandon in roti tatua, roti inta sinangoian roti in roriga, sinbá kinoouput in kinobiaganmu moiko mokotorop kon singgai moiko nonaḷámai kon Mesir, tampat kinoyoyigaan monimu.

YOSUA 4:6

Batu mita tatua in moponorop kon bangusa tanaa kon bayongan inta ain pinomia i Tuhan. Kon singgai moiduduimai aka ki adímu mita moḻibó mongo onu in mangaḻe in batu mita tatua kon inimu,