YOSUA 4:6 - Alkitab Singog In Mongondow Masa In Tanaa

⁶ Batu mita tatua in moponorop kon bangusa tanaa kon bayongan inta ain pinomia i Tuhan. Kon singgai moiduduimai aka ki adímu mita moḻibó mongo onu in mangaḻe in batu mita tatua kon inimu,

YOSUA 4:6 Iomraidhean Croise

MAZMUR 44:1

Mazmur in inanakan i Korah. Dondong topotundú. Kon i itoi in mododondong.

MAZMUR 71:18

O Allah, dika taḷaan in akuoi, modapot in mogoguyang in akuoi bo ubanan, sinbá akuoi in mopotaau in kawasa bo kototoyang-Mu kon bayongan in buí inta moiduduimai.

IḶUAIAN 12:14

Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:9

Porayaan tanaa nobaḻí tompoingat kon inimu ná tomponuot inta pinopotogot kon ḻima ande kon pogotmu. Porayaan tanaa moponorop kon i monimu sinbá umuran moposingog bo monotaau kon hukum mita i Tuhan, sin ki Tuhan nopoḷuaidon kon i monimu nongkon Mesir takin kawasa-Nea inta moḷoben.

IḶUAIAN 31:13

mopotaau kon bangusa Israel, “Ḷukadai in singgai in Sabat, singgai inta ain sinantú-Ku mobaḻí singgai pogogaian. Modapot kon adí bo ompumu singgai tatua mobaḻí singgai ponanoban kon sigad i monimu bo kon i-Nakó, sinbá kotaauandon monimu kon Akuoi naa in ki Tuhan, bo binaḻí-Kudon in moiko bangusa-Ku tontaní.

YESAYA 38:19

Tongábí intau nobiag in modayow kon ini-Mu, ná inta inaidanku singgai in naa. Guyanga in mongonguman kon i adínea kon totuubí kon mosatia totok in Iko, o Tuhan.

YESAYA 55:13

Pangkoi in ḷokuyú in momaḷui kon pangkoi in bo bonganga, pinomuḷa bungang in momaḷui kon dogami. Tua in mobaḻí sinbá Akuoi in popotaau magí-mako; nobaḻí tomponuot inta mononoi inta diá mobuḻi-buḻi.”

YEHEZKIEL 20:12

Pinotabá-Ku in mosia mohoromat kon singgai in Sabat nobaḻí tomponuot kon dodandian-Ku takin i monia, sin moponorop kon i monia kon Akuoi ki Tuhan, ain nopotondí kon i monia mobaḻí kapunyaan-Ku.

YEHEZKIEL 20:20

Horomatbí in singgai in Sabat sinbá mobaḻí tomponuot dodandian kon sigad-Ku bo i monimu, sin moponorop kon i monimu kon Akuoibí in ki Tuhan Allahmu.’

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

ULANGAN 11:19

Tundúdon kon i adímu mita. Oumandon kon bonu in baḷoi bo kon ḷuai in baḷoi, kon dodai in mogogai ande kon dodai in mogaid.

YOSUA 22:27

táe mobaḻí tomponuot kon i naton posi botak, bo kon buí naton kon singgai moiduduimai, kon totuubí kon kami naa in noibadabí kon i Tuhan kon Ḷoḷaigan Koangoian-Nea takin kodia-dia in kuruban payongon, sosumba mita bo kuruban yoyobayatan. Takin natua buí monimu diádon in moguman kon buí nami in diá kohubungan takin i Tuhan.

YOSUA 4:21

Bo ki Yosua noguman kon umat in Israel, “Kon singgai moiduduimai aka ki adímu mita moḻibó mongo onu in mangaḻe in batu mita tanaa,

YOSUA 4:5

bo noguman, “Bayádon kon yuak in Ongkag in Yordan, kon tayowon in Poti Dodandian i Tuhan Allahmu. Moiko tumpaḷa mogamá kon tumongo batu in batu nongkon tua – mopuḷú bodoyowá in kobayongnea podudui in kobayong in suku mita in bangusa Israel.