YOSUA 4:5 - Alkitab Singog In Mongondow Masa In Tanaa

⁵ bo noguman, “Bayádon kon yuak in Ongkag in Yordan, kon tayowon in Poti Dodandian i Tuhan Allahmu. Moiko tumpaḷa mogamá kon tumongo batu in batu nongkon tua – mopuḷú bodoyowá in kobayongnea podudui in kobayong in suku mita in bangusa Israel.

YOSUA 4:5 Iomraidhean Croise

KINOBAḺIAN 31:46

Bo sia in nopotabá kon intaunea mita nosipun kon batu bo ginuntuḷ kinoḷantud. Nopaḷut mako kon tua mosia in nongaan noyotakin kon diug in guntuḷan batu tatua.

IḶUAIAN 24:4

Nopaḷut mako kon tua komintandon pinais i Musa in parenta i Tuhan tatua. Nobangon monik doḷo-doḷom, pinosindognea in mezbah tobatú takin tugu mopuḷú bodoyowá kon sioḷ in buḷud tatua; Tugu tobatú nobaḻí doman toḻiu in suku Israel tobatú.

ULANGAN 27:2

Kon singgai moiko ḷumoḷan kon Ongkag in Yordan sin tumuot kon butá inta inogoi i Tuhan Allahmu kon inimu, moiko in mustibí moposindog in tongonumai in batu moḷoben bodongka uḷakan monimu in kapur.

ULANGAN 9:1

“Indongogai Utat mita! Singgai naa moiko ḷumoḷandon kon Ongkag in Yordan sin mayá ḻimitú kon butá in bangusa mita inta moḷobe-ḷoben bo moropo-ropot nongkon i monimu. Kotá mita monia mongoḷoben bo dininding nodapot in ḷangit.

YOSUA 22:10

Naonda in suku i Ruben, i Gad, bo suku i Manasye kon dotá in pomukaan kon Yordan tatua nodapot kon Gelilot – kon dotápa in toyopan kon Ongkag in Yordan – mosia noposindogdon in mezbah tobatú inta moḷoben bo mogaga kon diug in ongkag.

YOSUA 4:4

Dá ki Yosua nogoinídon kon intau mopuḷú bodoyowá inta kinopiḻían tatua,

YOSUA 4:6

Batu mita tatua in moponorop kon bangusa tanaa kon bayongan inta ain pinomia i Tuhan. Kon singgai moiduduimai aka ki adímu mita moḻibó mongo onu in mangaḻe in batu mita tatua kon inimu,