YOSUA 4:18 - Alkitab Singog In Mongondow Masa In Tanaa

¹⁸ Naonda in yaput in imang mita tatua kon bingkí in ongkag, tubig in ongkag tatua buidon noiḻig bo noiḻebetdon ná dungkuḷ.

YOSUA 4:18 Iomraidhean Croise

TAWARIKH 1 12:15

Nokoimontandon in nobaḻí kon buḷan imitánea, kon dodai in Ongkag in Yordan nodunuk porwira mita tatua in iḷumoḷan kon ongkag tatua bo nopoguntun in intau mita inta nogutun kon ḷopá mita pinomayá inta kon dotá pomukaan andeka inta kon dotá in toyopan kon ongkag tatua.

YESAYA 8:8

Mosia in momuntag kon Yohuda naonda bo ḷunud modapot in sigogow bo monaḷom kon bayongan in yagi-yagi.” Ki Allah in kotaki-takin naton! Koḻikip-Nea inta nobuká moḷukad kon butá naton.

YOSUA 3:13

Bain aka imang mita inta momotaan kon Poti Dodandian i Tuhan mopotobogdon in sioḷnea kon tubig in Ongkag in Yordan tatua, dá tubignea in mobontowdon; tubig inta nongkon uḷuannea in mobutongdon kon tampat tobatú.”

YOSUA 4:11

Naonda in komintandon noiyaput kon ḷoḷan, imang mita inta nomotaan kon Poti Dodandian tatua minayá inumuna kon i monia.

YOSUA 4:17

Inaidan i Yosua onu in pinarenta i Tuhan kon inia.

YOSUA 4:19

Umat in Israel nodapot kon ḷoḷan Ongkag in Yordan bo kon singgai noginpuḷú buḷan imitánea, bo mosia nononḷoḷaigan kon Gilgal kon dotá in pomukaan kon Yerikho.