YOSUA 4:13 - Alkitab Singog In Mongondow Masa In Tanaa

¹³ Kobayong monia komintan tua in 40.000 in ḷoḷaki inta kodia-dia in pakakat in parang bo nosadiadon moparang kon tayowon i Tuhan, mosia iḷumoḷan nopobayá ná rata inta noompá kon diug in Yerikho.

YOSUA 4:13 Iomraidhean Croise

DATU MITA 2 25:5

Táe tontara in Babel in nogaḷow kon i Datu Zedekia, bo dinomok monia kon rata in Yerikho. Bayongan in intaunea noḷagui nonaḷámai kon inia.

IḶUAIAN 13:18

Tuamai ki Allah in nodia kon i monia nongin daḷan inta noḻibu nongin padang gurun nopobayá in Dagat in Gelagah. Kon dodai in nonaḷámai kon Mesir, intau mita Israel tatua nodia kon abit naonda bo mayá moparang.

YEREMIA 39:5

Táe dinuduran in tontara in Babel in mosia bo nodomok kon i Zedekia kon ḷopá in Yerikho. Onda intua sia in dinia kon i Datu Nebukadnezar kon kotá in Ribla kon daerah in Hamat, bo pinopoḷabúan in hukuman minatoi.

YEREMIA 52:8

Táe tontara in Babel nondudur kon i Zedekia, bo nodomok kon inia kon ḷopá in Yerikho. Bayongan in intaunea noḷagui nonaḷámai kon inia.

PINOGIAPAN 32:17

Kami in mosadiabí sin mayá moparang moyotakin in utat mita nami. Kami in modia kon i monia mayá monubu bo modia kon i monia tumuot kon butá inta mobaḻí kapunyaan monia. Tongá kon dodai intua ki adí bo ki buḷoi nami in motaaupa mogutun kon naa, kon kotá mita inta binentengan, moaman nongkon ponubuan in intau mita inta nogutun kon butá tanaa.

EPESUS 6:11

Bo paké domandon in touḷut in parang inta inogoi i Allah kon i monimu, sinbá moiko in mokotahang in monayow kon bayongan akaḷ in Ibilis inta diá mopia.

ULANGAN 3:18

Kon dodai intua akuoi nobogoi kon i monia in parenta tanaa: Ki Tuhan Allahmu nobogoi kon inimu in butá kon dotá in pomukaan kon Ongkag in Yordan sin pogutunanmu. Táe tontaramu mita in musti kodia-dia in sonjata bo ḷumoḷan kon Ongkag in Yordan umuna kon suku mita Israel ibanea.

YOSUA 4:12

Podudui kon inta pinarenta i Musa, pojuang mita nongkon suku i Ruben, i Gad bo tongosilai in suku Manasye, munadon iḷumoḷan kon ongkag.

YOSUA 4:14

Kon singgai tatua ki Tuhan nomia kon soaḷ mita inta nopobaḻí kon bangusa Israel mohoromat kon i Yosua nobaḻí intau moḷoben. Kinoouput in kobiagannea mosia mohoromat kon inia ná pinohohoromat monia kon i Musa.

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.