YOSUA 3:3 - Alkitab Singog In Mongondow Masa In Tanaa

³ bo nopotaau in parenta tanaa kon umat in Israel, “Aka ontongon monimu kon imang mita momotaandon kon Poti Dodandian i Tuhan Allahmu, yo moiko in mobuat domandon monaḷámai kon tampat pinononḷoḷaigan tanaa. Duduidon kon Poti tatua,

YOSUA 3:3 Iomraidhean Croise

SAMUEL 2 6:13

Naonda in intau mita inta nobuat kon Poti Dodandian tatua aindon onom noḷangkad in binayáan, pinoki gogaianpa i Daud in mosia. Bo noposumba in sia in kuruban kon i Tuhan, sosumbanea tua in sapi koḷakian bo ki adí in sapi inta iḷongóan.

SAMUEL 2 6:3

Poti Dodandian tatua in ginamá nongkon baḷoi i Abinadab kon tudu in buḷud bo pinopodatog kon roda inta mobagu. Bo ki Uza taya dua i Ahio, adí mita i Abinadab dinumudui kon roda tatua; ki Uza in minayá kon sínea,

DATU MITA IMITÁNEA 8:3

Naonda in bayongan itoi tatua noyosipun, imang mita nobuat kon Poti Dodandian tatua,

YEREMIA 33:18

umuranbí oyúon in imang mita nongkon suku in Lewi inta mogundoi kon i-Nakó bo moposumba in kuruban mahaḷuk, gandum bo sosumba inta pinayong.”

PINOGIAPAN 10:33

Naonda in bangusa Israel nonaḷámai kon Sinai, buḷud i Tuhan, mosia in minayá toḷu nosinggai in koonggotnea. Poti Dodandian i Tuhan umuran diaan pouna kon i monia sin motayak kon tampat pononḷoḷaigan kon i monia.

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”

MATIUS 16:24

Bo ki Yesus in noguman kon murí-Nea mita, “Pomuḷoi intau inta moibog dumudui kon i-Nakó, sia in musti monaḷámai kon oaidannea tontaní bo momotaan kon roriganea, bo dumudui kon i-Nakó.

MATIUS 8:19

Bo namangoidon in tobatú mototundú kon agama Yahudi noguman kon i-Nia: “Guru, akuoi in dumudui kon inimu, kon onda kabí in bayáan-Mu!”

ULANGAN 31:25

Naonda in nopaḷut, sia noguman kon imang Lewi inta pinoki aidan monoinut kon Poti Dodandian,

ULANGAN 31:9

Bo ki Musa nomais kon hukum i Tuhan Allah bo nobogoi kon imang mita in Lewi inta pinoki aidan monompia kon Poti Dodandian, bo kon itoi mita in Israel.

YOSUA 3:4

táe dika totok in dimiug kon Poti tatua, dudui nongkon tuminea tongá sigad monimu dapot in Poti tatua in tongo kilodon in koyayúnea. Dá kotaauandon monimu in daḷan inta bayáan monimu, sin moiko in diápa dodai in onda minayá in butá tanaa.”

YOSUA 3:6

Bo ki Yosua nomarenta kon imang mita mobuat kon Poti Dodandian tatua bo minayá inumuna kon umat in Israel. Bo inaidandon monia onu inta pinoguman i Yosua.

YOSUA 3:8

Tanaa in parentaaidon in imang mita inta momotaan kon Poti Dodandian tatua sinbá naonda in yaput monia kon ongkag, mosia in simindogdon kon tubig in ongkag tatua táe kon bingkíneapa.”

YOSUA 4:10

Imang mita tatua umuranpabí sinimindog mako nodapot in intau mita tatua nopaḷut nogaid kon bayongan inta pinoki aid i Tuhan kon i monia pinongin i Yosua. Tua in noidudui kon topotundú mita i Musa kon i Yosua. Noḻikat in bangusa Israel iḷumoḷan kon Ongkag in Yordan.

YOSUA 6:6

Dá ki Yosua in nogoiní kon imang mita, bo noguman, “Buatdon in Poti Dodandian tatua; pitu nongkon sigad monimu in musti mayá kon munanea kodia-dia in torompet.”

WAHYU 14:4

Mosia tua intau inta umuran nodarit naonda bo porawan, sin mosia in diábí mosiug takin bobay. Mosia in umuran dumudui magí-mako kon i Adí in Domba kon ondakabí in bayáan-Nea. Mosia in sinobutdon nongkon sigad in intau mita. Mosia tuata inta ain pinobebas bo inogoi saḷaku sosumba inta muna kon i Allah bo kon i Adí in Domba tatua.

SAMUEL 1 6:15

Onda intua intau mita in Lewi nopoponag in Poti Dodandian i Tuhan bo kas inta pinobonuan kon buḷawan mita tatua, bodongka inukat monia kon tudu in batu moḷoben tatua. Nopaḷut mako kon tua intau mita kon Bet-Semes noposumba in kuruban payongon bo kuruban mita ibanea kon i Tuhan.