YOSUA 3:16 - Alkitab Singog In Mongondow Masa In Tanaa

^16-17 dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.

YOSUA 3:16 Iomraidhean Croise

KINOBAḺIAN 14:3

Datu taya ḻima tatua in notobatú bo nosipun kon tontara monia kon Ḷopá in Sidim, inta masai naa sinangoi Laut Mati.

DATU MITA IMITÁNEA 7:46

Ki Datu nokiaid in pakakat mita tatua kon tampat pococoran kon logam inta kon sigad in Sukot bo Sartan kon Ḷopá in Yordan.

MAZMUR 114:3

Dagat in Gelagah nokoontong kon i-Nia bo noḷagui, Ongkag in Yordan nogogai in noiḻig.

MAZMUR 114:5

Nongonu degá, ei dagat, nodapot in iko in noḷaguibí, bo Ongkag in Yordan nogogai noiḻig?

MAZMUR 29:10

Ki Tuhan in nongawasa kon ḷunud moḷoben, Sia in nongawasa saḷaku Datu modapot in mononoi.

MAZMUR 33:7

Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

MAZMUR 66:6

Dagat binaḻí-Nea butá noingkag, mogoguyang nami minaya-mayá in sioḷ in iḷumoḷan kon tua. Dá nopia i gina nami popisí in aid-Nea.

MAZMUR 74:15

Iko in nopoiḻig in bokaká bo ongkag; ongkag inta moḷoben iningkagan-Mu.

MAZMUR 77:19

Gotup mondoradá, kilat in moburiang mako, butá modandú bo mourot.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

IḶUAIAN 14:21

Bo ki Musa in notundúdon kon dagat, bo binaḻídon i Tuhan tompot in pomukaan nogirup noropot totok nodapot in tubig in dagat noondir. Tonggobii tua tompot tatua umuran nogirup, bo nomaḷui kon dagat nobaḻí butá inta noingkag.

IḶUAIAN 14:22

Tubig nosilai doyowa, bo kon dodai intau in Israel iḷumoḷan kon dagat, mosia minayá mayábí kon apad in dagat inta noingkag, bo tubig kon dotá in koḷoigi bo koḷanan notompompangdon naonda bo dinding.

IḶUAIAN 14:29

Táe naonda intau Israel iḷumoḷan kon dagat, mosia in minayá kon apad in dagat inta noingkag, bo tubig nobaḻí dinding kon dotá in koḷoigi bo koḷanan.

IḶUAIAN 15:8

Dagat inirup-Mu, naonda bo pompang, nodapot in dagat motaaudon bayáan.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YEHEZKIEL 47:8

Sia in noguman kon inakó, “Ongkag tanaa in moiḻig mopobayá in pomukaan mongin butá tanaa bo mongin Ḷopá in Ongkag in Yordan mopobayá in Laut Mati. Aka tubignea moidapotdon in Laut Mati, dá tubig in dagat inta noibung tatua baḷuiannea in tubig inta notoḷang.

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

HABAKUK 3:8

O Tuhan, popisí degá in dagat bo sinumorú in Iko? Ongkag mita degá in nokopopisí kon ini-Mu sinumorú? Sinakoian-Mu in goḷom naonda bo kabaḷo bo kereta in parang, kon dodai in umat-Mu pinountung-Mu.

PINOGIAPAN 34:3

Kon toḷatan, sigadnea pangkoion kon padang gurun Zin tumaḻib mongin Edom. Kon dotá in pomukaan sigadnea pinangkoi kon popod in toḷatan Laut Mati,

ULANGAN 1:1

Buk in tanaa tombonunea in tosingogon mita inta pinotaau i Musa kon bangusa Israel kon dodai in mosia kon padang gurun kon Ḷopá in Yordan. Ḷopá tatua in kon dotá in pomukaan kon Ongkag in Yordan, kon diug in kotá in Sup, kon sigad in kotá in Paran kon pihak tobatú, bo kon kotá mita in Topel, Laban, Hazerot bo Di-Zahab kon pihak ibanea. (

ULANGAN 3:17

Kon dotá in toyopan, butá monia nobendar nodapot kon Ongkag in Yordan, nongkon Danow Galilea kon utuan nodapot kon Laut Mati kon dotá in toḷatan, minayá nodapot kon sipangkoion in Buḷud Pisga kon dotá in pomukaan.

YOSUA 12:3

Noitakin doman in butá Ḷopá in Yordan kon dotá in pomukaan, nongkon Danow Galilea nopobayá ná toḷatan nodapot kon Bet-Yesimot (kon dotá in pomukaan kon Laut Mati), minayá turus kon sipangkoion in Buḷud in Pisga.

YOSUA 15:2

pinangkoi kon popod in toḷatan kon Laut Mati,

YOSUA 16:7

Nongkon tua botok tatua nosiḻig kon Atarot bo Naharat, bo nongin Yerikho sinimpodan kon Ongkag in Yordan.

YOSUA 3:13

Bain aka imang mita inta momotaan kon Poti Dodandian i Tuhan mopotobogdon in sioḷnea kon tubig in Ongkag in Yordan tatua, dá tubignea in mobontowdon; tubig inta nongkon uḷuannea in mobutongdon kon tampat tobatú.”

YOSUA 4:22

dá potaaudon kon i monia kon umat in Israel iḷumoḷan kon Ongkag in Yordan tanaa nongin butá inta noingkag.

YOSUA 5:1

Bayongan in datu in Amori kon dotá in toyopan kon Ongkag in Yordan, bo bayongan datu in Kanaan inta kon bingkí in Dagat Toyuak nokodongogdon kon Ongkag in Yordan ain iningkagan i Tuhan kon bonu in umat Israel iḷumoḷan kon ongkag tatua. Dá inagíandon in ondok in mosia bo uyotdon mako popisí in intau Israel.

HAKIM MITA 7:22

Naonda in ki Gideon bo intaunea mita koyogotpa in nogirup kon torompet, pinoporopatoi i Tuhan in tontara in musung takin nopomaké in kedang monia tontaní. Mosia noḷagui nopobayá ná Zerera nodapot kon Bet-Sita bo kon kotá in Abel Mehola kon diug in Tabat.