YOSUA 24:9 - Alkitab Singog In Mongondow Masa In Tanaa

⁹ Bo ki datu in Moab, inta ki Balak adí i Zipor, noḷawang kon i monimu. Sia nopotabá in intau minayá kon i Bileam adí i Beor bo nopoigum sinbá ki Bileam mongutuk kon i monimu.

YOSUA 24:9 Iomraidhean Croise

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

PINOGIAPAN 22:2

Naonda in datu in Moab inta ki Balak, adí i Zipor, nokodongog kon naonda in pinogogaid in intau Israel kon intau in Amori, bo nokotaaumai kon bangusa Israel tua nobarong totok, noondokdon in sia takin bayongan rayatnea.

HAKIM MITA 11:17

Onda intua mosia nopotabá in intau minayá kon i datu in Edom sin mopoigum bá ogoinea tumaḻib kon butánea. Táe diá inogoinea in mosia tumaḻib. Onda intua mosia in nopoigum doman natua kon i datu in Moab, táe diá doman inogoi i datu in Moab in mosia tumaḻib kon butánea. Tuamai umat in Israel nogutun kon Kades.

HAKIM MITA 11:25

Inanggapmu kon ikobí in mopia-pia in ki Balak adí i Zipor, datu in Moab? Ki Balak in diábí dodai in onda moḷawang ande momarang kon inami.