YOSUA 24:6 - Alkitab Singog In Mongondow Masa In Tanaa

⁶ Akuoi in nodia kon mogoguyangmu tua iḻumuai nongkon Mesir, bo intau in Mesir nondudur kon i monia takin kereta in parang bo tontara inta sinumakoi kon kabaḷo. Bo naonda in mogoguyang monimu nodapot kon Dagat in Gelagah,

YOSUA 24:6 Iomraidhean Croise

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

IḶUAIAN 12:37

Intau Israel nobuat bo minaya-mayá in sioḷ nongkon kotá in Raamses nopobayá in kotá Sukot. Kobayong monia tua in 600.000 noribu intau, diá bidon pinoyoiap in bobay bo adí mita.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.

OUMAN IN RASUL MITA 7:36

Ki Musabí tuata inta nodia kon bangusa in Israel iḻumuai nongkon Mesir takin nogaid kon soaḷ mita inta totok in mokoherang bo soaḷ mita inta diá in poḻiuan kon Mesir, bo kon Dagat Nopuya bo kon padang gurun kon bonu in opat nopuḷú notaong.

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.