YOSUA 24:10 - Alkitab Singog In Mongondow Masa In Tanaa

¹⁰ Táe Akuoi in diábí dinumudui kon ibog i Bileam, dá binarakatannea in moiko. Natuata in pinogogaid-Ku noposaḷamat kon i monimu nongkon i Balak.

YOSUA 24:10 Iomraidhean Croise

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

PINOGIAPAN 22:35

Táe malaekat i Tuhan noguman, “Duduidon kon intau mita tatua. Táe singogonmu in tongábí onda inta pogumanku.” Dá ki Bileam nongingguputdon kon bobayáannea noyotakin in totabá mita i Balak tua.

ULANGAN 23:5

Táe ki Tuhan Allahmu in doíbí nokidongog kon i Bileam. Táe binaḷuian-Neabí in kutuk tatua nobaḻí barakat, sin motabi in Sia kon i monimu.

YOSUA 24:11

Onda intua moiko iḷumoḷan kon Ongkag in Yordan, bo nodapot kon Yerikho. Intau mita in Yerikho nonubu kon i monimu, natua doman intau in Amori, intau in Peris, Kanaan, Het, Girgasi, Hewi bo intau in Yebus. Táe Akuoi nopountung kon i monimu nongkon i monia komintan.