YOSUA 23:9 - Alkitab Singog In Mongondow Masa In Tanaa

⁹ Bangusa mita inta moḷoben bo moropot aindon pinoguntun i Tuhan sin kopiaan monimu; diábí tobatúmai in nongkon i monia in mokotahang monayow kon i monimu.

YOSUA 23:9 Iomraidhean Croise

DATU MITA IMITÁNEA 21:26

Ki Ahab nogaid kon dosa mita inta totok in mokooyá: Nosumba in sia kon berhala ná inta pinomia in intau in Amori, intau mita inta ain pinoguntun i Tuhan iḻumuai nongkon butá in Kanaan kon dodai in intau in Israel tumuotdon kon butá tatua.

TAWARIKH 2 20:7

Ikobí in ki Allah nami. Kon tungkuḷ in umat-Mu, bangusa in Israel, namangoi kon butá tanaa, Iko nopoguntun kon intau mita inta kon dodai intua nogutun kon naa. Bo Iko in nobogoi kon butá tanaa kon buí i Abraham, yobayat-Mu, sin mobaḻí butá kapunyaan monia modapot in mononoi.

IḶUAIAN 23:23

Malaekat-Ku in umuna kon i monimu mayá in butá in bangusa Amori, Het, Peris, Kanaan, Hewi bo Yebus, bo mosia in yompaton-Ku.

IḶUAIAN 23:30

Mosia in piḻim-piḻikon-Ku poguntunon, modapot in intaumu mita mobayongdon in mogutun kon butá tatua.

OUMAN IN RASUL MITA 7:45

Kon singgai noiduduimai tampat tatua dinia in mogoguyang naton kon wakutu in mosia kotaki-takin i Yosua minayá nogagow kon butá naton naa nongkon kawasa in bangusa mita inta sinokountun i Allah kon tayowonmai monia. Ḷoḷaigan tatua nonahang kon tua nodapot in kon sempo i Daud.

ULANGAN 11:23

Dá ki Tuhan in mopoguntunbí kon bayongan in bangusa tatua nongkon tayowonmu, bo moiko in mogutundon kon butá kapunyaan in bangusa mita inta moḷobe-ḷoben bo inta moropo-ropot nongkon inimu.

ULANGAN 7:24

Sia in moposarakanbí in datu mita monia kon inimu. Ḻimodonbí monimu in mosia, bo tangoi monia in koḻiongandon. Diábí tobatúmai in mokotahang monayow kon i monimu; mosia komintan in daitonbí monimu yopúon.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 15:14

Buí i Enak in intau in Sesai, Ahiman bo Talmai. Inuntun i Kaleb in mosia komintan nongkon Hebron.

YOSUA 23:5

Ki Tuhan, Allahmu in mopoguntun bo monaḷow kon bangusa mita tatua, bo moḷagui in mosia kon i monimu aka moiko mayá monubu kon i monia. Mouḻí bidon monimu in butá monia, ná inta ain pinodandi i Tuhan Allahmu kon inimu.

YOSUA 23:8

Moiko in mustibí umuran mosatia kon i Tuhan, ná inta ain inaidan monimu dapot in tanaa.

YOSUA 24:18

Bo naonda in kita sinumuot kon butá tanaa, ki Tuhan nopoguntun kon bayongan intau in Amori inta nogutun kon naa. Dá, kami in moibogbí mogundoi kon i Tuhan, sin Sia tuata in ki Allah naton!”