YOSUA 23:8 - Alkitab Singog In Mongondow Masa In Tanaa

⁸ Moiko in mustibí umuran mosatia kon i Tuhan, ná inta ain inaidan monimu dapot in tanaa.

YOSUA 23:8 Iomraidhean Croise

DATU MITA 2 18:6

bo mosatia kon i-Nia. Diábí kon dodai in onda in sia moḷawang kon i Tuhan. Bayongan in parenta i Tuhan inta inogoi pinongin i Musa, totu-totuubí kon dinuduian i Hizkia.

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

ULANGAN 11:22

Pokosatiadon in dumudui kon bayongan hukum inta pinotaauku kon inimu: Kotabibí in ki Tuhan Allahmu, aidaidon in bayongan inta pinarenta-Nea kon inimu, bo tantúdon kosatia in moiko kon i-Nia.

ULANGAN 13:4

Intau ná tatua in musti hukumon matoi, sin moibog mopoḷaḻe in daḷan inta pinarenta i Tuhan Allahmu kon inimu. Sia tua in intaubí moraat sin mopotabá kon i monimu moḷawang kon i Tuhan Allahmu inta nopoḷuai kon i monimu nongkon Mesir, tampat pinononggataan kon i monimu. Dá sia tua in mustibí ḻimodon, sinbá onu inta moraat tatua daiton inggamáan. Táe moiko in mustibí umuran dumudui kon i Tuhan Allahmu bo mohoromat kon i-Nia; duduiai in Sia bo aidai in bayongan parenta-Nea. Umuran pokosatia bo pogundoi kon i-Nia.

ULANGAN 4:4

tongá moiko inta umuran notoindudui kon i Tuhan Allahmu nobiagpa dapot in tanaa mako.

ULANGAN 8:20

Aka moiko diá motoindudui kon i Tuhan Allahmu, yo yopúon-Nea domandon in moiko, naonda bo bangusa mita inta iyopú-Nea kon tayowon monimu.”

YOSUA 22:5

Bo ḷukadai sinbá moiko in umuran dumudui kon hukum inta pinarenta i Musa kon inimu, inta: Kotabi in ki Tuhan Allahmu, duduiaidon in koibog-Nea, duduiai in parenta-Nea mita, kosatia kon i-Nia bo posumbadon kon i-Nia takin ḻimbatú in ginamu bo takin bayongan in dimukudmu.”

YOSUA 23:7

Aka natua dá moiko in diádon moyobauk in bangusa mita inta nogutunpa kon sigad monimu. Moiko in diábí monangoi kon tangoi in dewa mita monia ande mongibot podoyon kon tangoi tatua. Bo moiko in diábí doman moibada ande tumungkud kon tayowon in dewa mita tatua.

YOSUA 23:9

Bangusa mita inta moḷoben bo moropot aindon pinoguntun i Tuhan sin kopiaan monimu; diábí tobatúmai in nongkon i monia in mokotahang monayow kon i monimu.