YOSUA 23:2 - Alkitab Singog In Mongondow Masa In Tanaa

² Dá inoinínea in bayongan umat in Israel, guhanga mita, itoi mita, hakim mita, bo porwira mita, bo noguman, “Akuoi naa in nogoguyangdon.

YOSUA 23:2 Iomraidhean Croise

DATU MITA IMITÁNEA 1:1

Ki Datu Daud in nogoguyangdon totok. Umpakabí dinaingandon in sia in daing inta mobunod, táe umuranbí domandon tumonow in sia.

DATU MITA IMITÁNEA 8:1

Nopaḷut mako kon tua ki Datu Salomo nopotabá kon bayongan itoi in suku bo inanakan nongkon bangusa in Israel namangoi kon inia kon Yerusalem sin momamping kon Poti Dodandian i Tuhan nongkon Sion, kotá i Daud, pobayá in Baḷoi Tuhan.

TAWARIKH 1 23:2

Ki Datu Daud in nosipun kon bayongan itoi in Israel, imang mita bo intau mita in Lewi,

TAWARIKH 1 28:1

Ki Datu Daud in nomarenta sinbá bayongan in itoi in Israel moyosipun kon Yerusalem. Dá bayongan tongguḷu in suku, pojabat mita inta nokadai kon pomarentaan, tongguḷu mita in inanakan, moḷoḷukad mita kon bayongan kapunyaan bo bobiagon i datu bo ki adínea mita ḷoḷaki – impoḷok mako in tosingogon intau mita moḷoben kon komaḻig, porwira mita bo intau moponting, komintan noyosipun kon Yerusalem.

ULANGAN 31:28

Tanaa in potabádon in bayongan itoi in bangusa bo porwira mita moyosipun kon tayowonku, sinbá potaaukudon kon i monia in soaḷ mita tanaa. Ḷangit bo butá oiníonku mobaḻí sakusi kon i monia.

YOSUA 13:1

Tanaa in ki Yosua nogoguyangdon totok. Ki Tuhan noguman kon i Yosua, “Iko in nogoguyangdon, Yosua! Táe nobayongpa in butá inta mustipa agowon:

YOSUA 23:3

Moiko in ain nokoontong kon bayongan inta inaidan i Tuhan Allahmu kon bayongan bangusa kon naa sin kopiaan monimu. Inta noparang noyotakin monimu in ki Tuhan Allahmubí tontaní.

YOSUA 24:1

Ki Yosua nosipun kon bayongan suku bangusa in Israel kon Sikhem, bo nopotabá kon guhanga mita, itoi mita, hakim bo porwira mita namangoi in tayowonnea. Dá namangoidon in mosia kon tayowon i Allah.

SAMUEL 1 12:2

Nongkon tanaadon mako siadon in mobaḻí itoi monimu. Indoiaidon, akuoi naa in nogoguyangdon bo inubanandon. Noonggotdon totok in akuoi in nobaḻí itoi monimu – pinangkoipa kon akuoi nobagupa nodapot in tanaa mako. Nobaḻí bukti kon tua in ki adíku mita in komintandon nongoḷantud.