YOSUA 23:12 - Alkitab Singog In Mongondow Masa In Tanaa

¹² Aka moiko bo diá mosatia bo moyobaukdon in bangusa mita inta nogutunpa kon sigad monimu, bo moiko in motonibuḷoi monia,

YOSUA 23:12 Iomraidhean Croise

KINOBAḺIAN 2:24

Tuamain ḷoḷaki in musti monaḷámai kon i amá bo kon i inánea, bo motobatú takin i buḷoinea.

KINOBAḺIAN 34:3

Táe sia in totokbí in moibog kon i Dina, dapot in sia totokdon in moibog bo moramuji sinbá mongodeaga tatua moibog domandon kon inia.

DATU MITA IMITÁNEA 11:2

Ki Tuhan ain nomarenta kon Israel in diábí motaau motonibuḷoi takin in bangusa mita tatua, sin mosia in mokopopisídon kon intau in Israel mosumba kon ilah mita ibanea. Umpaka natua, ki Salomo in umuranbí doman notonibuḷoi in bobay mita nongkon butá ibanea.

DATU MITA IMITÁNEA 11:4

Kon dodai in sia nogoguyangdon mosia in nokodondouḷugdon kon inia nosumba kon ilah mita ibanea. Ki Daud, ki amá i Salomo in tantúbí mosatia kon i Tuhan, Allahnea, táe ki Salomo in diá ná ki amánea.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

YESAYA 1:4

Moboditodon in moiko bangusa inta binaradosa, intau mita inta moromú bo moraat! Moiko nion in noitampuḻisi popisí in dosamu mita. Moiko in nondoídon kon i Tuhan bo nonoḻikudon kon i Allah Inta Totok in motusi inta musti sumbáan monimu.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

YOHANES 6:66

Nongkon dodaidon in tuata bo nobayong in dumodudui-Nea in nonaḷámaidon kon i-Nia, bo doídon dinumudui kon i-Nia bui.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

ULANGAN 6:15

Aka moiko mosumba kon ilah mita ibanea, dá moiko in umuranbí kotugatan in torú i Tuhan Allahmu bo yopúon-Nea komintan, sin ki Tuhan Allahmu inta kon sigad monimu nion in doíbí potongkaion in onuka.

ULANGAN 7:3

Moiko in diábí motaau motonibuḷoi takin i monia, bo dika doman ogoi in adí mita monimu motonibuḷoi takin i monia,

ULANGAN 7:4

sinbá mosia diá mopoyayú kon i adí mita monimu nongkon i Tuhan sin mayá mosumba kon ilah mita ibanea. Aka moiko mosumba kon ilah mita ibanea, ki Tuhan tumorú bo moiko in baḷú-Neadon yopúon.

YOSUA 23:11

Tuamai, in toropbí in motabi kon i Tuhan Allahmu.

YOHANES 1 2:9

Intau inta noguman kon sia in nobiagdon kon nobayag, táe sia in umuranpa doman mosaturu kon i utatnea, yo intau tatua in umuranpabí nobiag kon nosindip umaai in tanaa mako.

HAKIM MITA 14:3

Táe guranganea noguman, “Nongonu sin mustibí mayá motayak kon buḷoi intau in Pilistin, bokaka mosia tua in deemanbí umat i Tuhan! Eta degá diádon in kon inanakan naton tontaní ande kon sigad in bayongan in bangusa naton diádon in mongodeaga inta moitugat kon ginamu?” Tubag i Simson kon i amánea, “Tongá mongodeagabí in Pilistin tatua in koibogku. Bo haraponku mako tua ki amá moibog mayá moguman kon inia kon pobuḷoionku.”

HAKIM MITA 3:6

Umat in Israel noyobuḷoidon magí-mako in bangusa mita tatua, bo sinumakindon nosumba kon dewa mita monia.