YOSUA 22:5 - Alkitab Singog In Mongondow Masa In Tanaa

⁵ Bo ḷukadai sinbá moiko in umuran dumudui kon hukum inta pinarenta i Musa kon inimu, inta: Kotabi in ki Tuhan Allahmu, duduiaidon in koibog-Nea, duduiai in parenta-Nea mita, kosatia kon i-Nia bo posumbadon kon i-Nia takin ḻimbatú in ginamu bo takin bayongan in dimukudmu.”

YOSUA 22:5 Iomraidhean Croise

MAZMUR 106:3

Pia in kamang in intau inta dinumudui kon parenta-Nea mita, bo umuran mobanar in aidannea.

MAZMUR 78:7

Takin natua mosia doman in mongamang kon i Allah, bo diá mokoḻiong kon onu inta inaidan-Nea, táe umuran motoindudui kon parenta-Nea,

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

IḶUAIAN 20:6

Táe Akuoi in mopoontongbí in tabi-Ku kon ribuan buí in intau mita inta motabi kon i-Nakó bo inta motoindudui kon parenta-Ku.

IḶUAIAN 23:13

Pononggina mako in bayongan inta ain pinoguman-Ku kon inimu. Dika mosumba kon ilah mita ibanea, modapot in tongá monangoi kon tangoinea diábí motaau.”

IḶUAIAN 23:25

Aka moiko mosumba kon i-Nakó, ki Tuhan Allahmu, moiko in barakatan-Ku takin mobogoi kon i monimu in kaanon bo inumon, bo bayongan yampoi poyayú-Ku kon inimu.

AMSAL 4:23

Ḷukadai in ginamu kopira, sin ginamu in monantúbí kon daḷan in kobiaganmu.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

YEREMIA 12:16

Aka mosia takin ḻimbatú in gina moibog motarima kon agama in umat-Ku bo moibog mongibot takin moguman, ‘Podoyon kon i Tuhan inta nobiag,’ – ná koḻipod in mosia notundú kon umat-Ku nongibot pinodoyon kon Baal – dá mosia in moidugangdon kon umat-Ku bo mobaḻí mooyúon.

MATIUS 22:37

Tubag i Yesus kon inia, “Kotabidon in ki Tuhan, ki Allahmu bo tongádon Sia in musti sumbaan monimu totu-totuu.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

OUMAN IN RASUL MITA 27:23

Sin kogobíi malaekat i Allah inta sinumbaku, ki Allah inta ki togi kon inakó in namangoi kon inakó.

SURAT I PAULUS KON JAMAAT RUM 1:9

Umuranku kotoropan in moiko aka mosambayang in akuoi. Kinotaauanbí i Allah kon onu in siningogku tua in totuubí. Sia tua in ki Allah inta oaidan-Nea in inaidanku takin gina motuḻid, oaidan tatua in mopoyaput in Habar Mopia soaḷ ki Adí-Nea.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

ULANGAN 11:1

“Kotabibí in ki Tuhan Allahmu, bo umurandon duduiai in bayongan parenta-Nea.

ULANGAN 11:13

Dá duduiaidon in parenta mita inta pinotaauku kon inimu singgai in naa; kotabibí in ki Tuhan Allahmu bo poibadadon kon i-Nia takin ḻimbatú in gina bo ropotmu.

ULANGAN 11:22

Pokosatiadon in dumudui kon bayongan hukum inta pinotaauku kon inimu: Kotabibí in ki Tuhan Allahmu, aidaidon in bayongan inta pinarenta-Nea kon inimu, bo tantúdon kosatia in moiko kon i-Nia.

ULANGAN 13:4

Intau ná tatua in musti hukumon matoi, sin moibog mopoḷaḻe in daḷan inta pinarenta i Tuhan Allahmu kon inimu. Sia tua in intaubí moraat sin mopotabá kon i monimu moḷawang kon i Tuhan Allahmu inta nopoḷuai kon i monimu nongkon Mesir, tampat pinononggataan kon i monimu. Dá sia tua in mustibí ḻimodon, sinbá onu inta moraat tatua daiton inggamáan. Táe moiko in mustibí umuran dumudui kon i Tuhan Allahmu bo mohoromat kon i-Nia; duduiai in Sia bo aidai in bayongan parenta-Nea. Umuran pokosatia bo pogundoi kon i-Nia.

ULANGAN 4:29

Bo moiko in motayakdon kon i Tuhan Allahmu, bo aka moiko motayak kon i-Nia takin ginamu totu-totuu, yo mouḻímubí in Sia.

ULANGAN 4:4

tongá moiko inta umuran notoindudui kon i Tuhan Allahmu nobiagpa dapot in tanaa mako.

ULANGAN 4:6

Aidai intua pokosatia. Aka aidan monimu in natua, dá kobobijaksanamu in moniatadon kon bangusa mita ibanea. Aka kodongogandon monia in hukum mita tatua, yo mosia in mogumanbí nanaa, ‘Totuu mobijaksana bo mopandoi in bangusa inta moḷoben tatua!’

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

ULANGAN 5:10

Táe tabi-Ku in poniata-Ku kon ribuan in buí nongkon intau mita inta motabi kon i-Nakó bo motoindudui kon parenta-Ku.

ULANGAN 6:17

Duduiaidon in bayongan hukum inta inogoi i Tuhan Allahmu kon inimu.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

YOSUA 23:8

Moiko in mustibí umuran mosatia kon i Tuhan, ná inta ain inaidan monimu dapot in tanaa.

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!

SAMUEL 1 12:20

Ki Samuel in notubag domandon, “Dika moondok, umpakabí moiko ain nomia kon inta moraat tatua táe dikadon monoḻikud kon i Tuhan, táe umurandon pogundoi kon i-Nia takin ḻimbatú in ginamu.

SAMUEL 1 12:24

Horomatdon in ki Tuhan bo pogundoidon kon i-Nia takin satia takin ḻimbatú in ginamu. Toropdon in aid-Nea mita inta moḷoben inta ain inaidan-Nea kon inimu.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”