YOSUA 22:4 - Alkitab Singog In Mongondow Masa In Tanaa

⁴ Dá podudui in dandi-Nea, ki Tuhan Allahmu ain nobogoi in kobiagan notompia kon i utatmu mita, intau in Israel ibanea. Dá, pobuidon in tanaa mako kon butámu tontaní kon dotá in pomukaan kon Ongkag in Yordan tatua inta inogoi i Musa kon inimu koḻipod.

YOSUA 22:4 Iomraidhean Croise

TAWARIKH 1 22:18

Gumannea, “Ki Tuhan Allahmu ain notuḷung kon i monimu, bo nobogoi in dodamean bo bayongan in kobiagan motompia kon bayongan butá. Sia in nopountungdon kon inakó nongkon bayongan in bangusa inta dungkuḷmai nogutun kon butá tanaa. Tanaa mosia in notoguondokdon kon inimu bo kon i Tuhan.

IḶUAIAN 33:14

Ki Tuhan noguman, “Moiko in ḷukadan-Ku sinbá mokouḻí kon butá inta pinodandi-Ku.”

PINOGIAPAN 32:18

Kami in diápabí mobui kon baḷoi nami kon dodai in bayongan bangusa Israel mokouḻídon kon butá inta mobaḻí tonsilai monia.

ULANGAN 12:9

sin moiko in diápa sinumuot kon butá inta inogoi i Tuhan Allahmu kon inimu, tampat inta mopia pogutunanmu.

ULANGAN 29:8

Butá monia inagow naton bo sinilai naton kon suku in Ruben, in Gad bo tongosilai in kon suku in Manasye.

ULANGAN 3:20

Tuḷungaidon in intau mita tobangusamu modapot in mosia ḻimitú kon butá inta bain ogoi i Tuhan Allahmu kon i monia kon dotá in toyopan kon Ongkag in Yordan, bo modapot in ki Tuhan mobogoi kon i monia mobiag motompia kon tua, ná inta inaidan-Nea kon inimu kon naa. Bain tua bo moiko motaaudon mobui kon butá kapunyaanmu inta ain inogoiku kon i monimu.

IBRANI 4:8

Aka kuma bo inogoidon i Yosua in tampat pinogogaian inta pinodandi i Allah tua, yo tantú diá bidon in ki Allah noguman bui kon soaḷ singgai ibanea nion.

YOSUA 1:15

Musti in moiko motuḷung kon i monia modapot in mosia moiḻitú kon butá inta kon dotá in toyopan kon Ongkag in Yordan tanaa inta inogoi i Tuhan Allahmu kon i monia. Naonda in ki Tuhan nobogoi in kaadaan mopia kon bayongan in bangusa Israel, bain tua bo moiko motaau mobui kon butámu tontaní kon dotá in pomukaan kon Yordan tanaa, inta inogoi i Musa mogogundoi i Tuhan tatua kon inimu.”

YOSUA 12:6

Tuata in datu doyowa inta sinaḷow i Musa bo in intau in Israel. Butá in datu mita tatua inogoi i Musa, mogogundoi i Tuhan, kon suku i Ruben, Gad, bo tongobotak in suku Manasye, sin mobaḻí butá kapunyaan monia.

YOSUA 13:15

Tongobotak nongkon butá inta pinodandi i Tuhan kon umat in Israel tua ain inogoi i Musa kon motoḷuadí kon bonu in suku i Ruben, sin mobaḻí butá kapunyaan monia.

YOSUA 13:8

Suku in Ruben, i Gad bo tongobotak in suku Manasye ain notarima kon butá tonsilai monia nongkon i Musa, mogogundoi i Tuhan tua; tuata in butá inta kon dotá in pomukaan kon Ongkag in Yordan.

YOSUA 22:3

Naa in kino oonggot diábí dodai in onda pinomayá mako monimu in tai utatmu mita, intau in Israel ibanea in mogaid tontaní. Moiko in ain totu-totuu dinumudui kon bayongan in parenta i Tuhan Allahmu.